ରାଜଧାନୀ ଦିଲ୍ଲୀରେ ଘଟିଯାଇଛି ବଡ ଧରଣର ଅଘଟଣ । ଦିଲ୍ଲୀ ଆଜାଦ ମାର୍କେଟରେ ଭୁଶୁଡିପଡିଛି ଏକ ନିର୍ମାଣାଧିନ ୪ ମହଲା କୋଠା । ଫଳରେ ୩ଶ୍ରମିକଙ୍କ ମୃତ୍ୟୁ ହୋଇଥିବାବେଳେ ୬ରୁ ୭ଜଣ ଜଣ ଶ୍ରମିକ ମାଟିତଳେ ଚାପି ହୋଇ ରହିଥିବା ଆଶଙ୍କା । ଘଟଣାସ୍ଥଳରେ ଅଗ୍ନିଶମ ବିଭାଗର ଉଦ୍ଧାରକାର୍ଯ୍ୟ ଜାରି ।
ସୂଚନା ଅନୁଯାୟୀ, ରାଜଧାନୀ ଦିଲ୍ଲୀ ଆଜାଦ ମାର୍କେଟ ଶିଶ୍ ମହଲରେ ବିଲ୍ଡିଙ୍ଗ କାମ ଚାଲିଥିବା ସମୟରେ ଆଜି ସକାଳେ ହଠାତ୍ ଏହା ଭୁଶୁଡିପଡିଥିଲା । ସେଠାରେ କାମ କରୁଥିବା ୩ଶ୍ରମିକଙ୍କ ମୃତ୍ୟୁ ହୋଇଛି ଏବଂ ଏହାତଳେ ଏକାଧିକ ଶ୍ରମିକ ଏବେବି ଚାପି ହୋଇ ରହିଥିବା କୁହାଯାଉଛି । ସଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ଅନ୍ୟପଟେ , କିଛି ସ୍ଥାନୀୟ ଲୋକଙ୍କ କହିବା ମୁତାବକ, ଯେଉଁ ସମୟରେ ଏହି ଘଟଣା ଘଟିଲା ସେ ସମୟରେ ସ୍କୁଲ ପିଲାମାନେ ସେହି ବାଟ ଦେଇ ଯାଉଥିଲେ । ସ୍କୁଲ ପିଲାଙ୍କର କିଛି କ୍ଷତି ବାବଦରେ ଏଯାଏଁ କିଛି ଜଣାପଡିନଥିଲେ ବି କେତେଜଣ ମାଟିତଳେ ଚାପି ହୋଇ ରହିଛନ୍ତି ତା’ର ସଠିକ୍ ଆକଳନ କାହାରି ପାଖରେ ନଥିବା କୁହାଯାଉଛି ।
