ସମ୍ବଲପୁର : ସମ୍ୱଲପୁରୀ ହାସ୍ୟ ଅଭିନେତା ଯୋଗେଶ ଯୋଯୋଙ୍କୁ ବନ୍ଧୁକ ମୁନରେ ଅପହରଣ ଅଭିଯୋଗ । ଏନେଇ ଏକ ଭିଡିଓ ଜରିଆରେ ନିଜ ଦୁଃଖ ଜଣାଇଛନ୍ତି ସମ୍ବଲପୁରୀ ପ୍ରସିଦ୍ଧ ହାସ୍ୟ ଅଭିନେତା ଯୋଗେଶ ଯୋଯୋ । ସୁଚନା ଅନୁଯାୟୀ, ସମ୍ବଲପୁରୀ ପ୍ରସିଦ୍ଧ ହାସ୍ୟ ଅଭିନେତା ଯୋଗେଶ ଯୋଯୋଙ୍କୁ ଆକ୍ରମଣ ଓ ବନ୍ଧୁକ ମୁନରେ ଅପହରଣ ଅଭିଯୋଗ । ୨ଜଣ ବ୍ୟକ୍ତି ପଲସର ମାଧ୍ୟମରେ ଆସି ମୁହଁରେ ଗାମୁଛା ପକାଇ ପ୍ରଥମେ ମାଡ ମାରିବା ସହ ପରେ ବନ୍ଧୁକ ଦେଖାଇ କୌଣସି ଏକ ଅଜଣା ସ୍ଥାନକୁ ନେଇ ସେଠାରେ ମାଡ ମାରିଥିବା ସେ ଅଭିଯୋଗ କରିଛନ୍ତି । ଏନେଇ ସେ ଏକ ଭିଡିଓ ପୋଷ୍ଟ କରି କହିଛନ୍ତି । ଯଦି ବଂଚିବାର ଅଛି ଭିଡିଓ ଲାଇନ ଛାଡିଦେ ବୋଲି ଦୁଇ ଜଣ ଦୁବୃତ୍ତ ତାଙ୍କୁ ଧମକ ଦେଇଥିବା ସେ କହିଛନ୍ତି । ପୂର୍ବରୁ ଘରେ ପତ୍ନୀ ସହିତ ମନାନ୍ତର ମତାନ୍ତର ହେବାରୁ ଷ୍ଟୁଡିଓରେ ସେ ଶୋଇଥିବାବେଳେ ଏହି ଘଟଣା ଘଟିଥିବା ସେ ଭିଡିଓରେ କହିଛନ୍ତି ।
