ନୂଆଦିଲ୍ଲୀ, 8 ଜାନୁୟାରୀ – ବିଲକିସ୍ ବାନୋ ମାମଲାରେ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ନେଇ କଂଗ୍ରେସ କହିଛି ଯେ, ଏହି ନିଷ୍ପତ୍ତି ବିଲକିସ୍ ବାନୋଙ୍କ ସଂଘର୍ଷର ବିଜୟ ଅଟେ । କଂଗ୍ରେସ ସାଂସଦ ରାହୁଲ ଗାନ୍ଧି ସୋମବାର ଏକ୍ସରେ କହିଛନ୍ତି ଯେ, ନିର୍ବାଚନ ଫାଇଦା ପାଇଁ ‘ନ୍ୟାୟର ହତୃା’ ପ୍ରବୃତ୍ତି ଗଣତାନ୍ତ୍ରିକ ବ୍ୟବସ୍ଥା ପାଇଁ ବିପଦଜନକ ଅଟେ । ବିଲକିସ ବାନୋଙ୍କ ଅକୁହା ସଂଘର୍ଷ, ଅହଂକାରୀ ବିଜେପି ସରକାର ବିରୁଦ୍ଧରେ ନ୍ୟାୟର ବିଜୟର ପ୍ରତୀକ ଅଟେ ।
କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧି ନିଜର ପ୍ରତିକ୍ରିୟା ରଖି କହିଛନ୍ତି ଯେ, ଶେଷରେ ନ୍ୟାୟର ବିଜୟ ହେଲା ।
ଗୁଜରାଟ ଦଙ୍ଗା ସମୟରେ ଗ୍ୟାଙ୍ଗରେପର ଶିକାର ହୋଇଥିବା ବାନୋଙ୍କ ଅଭିଯୁକ୍ତଙ୍କ ମୁକ୍ତକୁ ରଦ୍ଦ କରିଛନ୍ତି ସୁପ୍ରିମକୋର୍ଟ । ସାହସର ସହିତ ନିଜର ଲଢେଇକୁ ଜାରି ରଖିଥିବା ବିଲକିସ୍ ବାନୋଙ୍କୁ ଶୁଭେଚ୍ଛା ।
