ରାଜସ୍ଥାନରେ କଂଗ୍ରେସ ପକ୍ଷରୁ ଜନ ଘୋଷଣା ପତ୍ର-2 ଜାରି

ଜୟପୁର, 21 ନଭେମ୍ବର- ରାଜସ୍ଥାନ କଂଗ୍ରେସ ରାଜ୍ୟରେ ଚିରଞ୍ଜିବୀ ସ୍ୱାସ୍ଥ୍ୟ ସୁରକ୍ଷା ବୀମା ରାଶି 25ଲକ୍ଷରୁ ବୃଦ୍ଧି କରି 50ଲକ୍ଷ, ଯୁବପୀଢିଙ୍କ ପାଇଁ 4ଲକ୍ଷ ସରକାରୀ ଚାକିରି ସହ 10ଲକ୍ଷ ନୂଆ ରୋଜଗାର ସୁଯୋଗ ସୃଷ୍ଟି କରିବା ପାଇଁ ପ୍ରତିଶ୍ରୁତି ଦେଇଛି । ଏହାସହିତ ସମାଜରେ ସମସ୍ତ ବର୍ଗଙ୍କ ପାଇଁ ସମାନ ସାମାଜିକ କଲ୍ୟାଣ ଭାବନା ଉପରେ ଆଧାରିତ ନୀତି ନିର୍ମାଣକୁ ବାସ୍ତବିକ ଜନସଂଖ୍ୟା ଆଧାରରେ ଲାଭ ଦେବା ପାଇଁ ଜାତିଭିତ୍ତିକ ଜନଗଣନା କରିବା ପାଇଁ ପ୍ରତିଶ୍ରୁତି ଦେଇଛି କଂଗ୍ରେସ । ରାଜସ୍ଥାନରେ ପଞ୍ଚାୟତସ୍ତରରେ ସରକାରୀ ଚାକିରି ଦେବା ପାଇଁ ନୂଆ କ୍ୟାଡର କରିବାକୁ ପ୍ରତିଶ୍ରୁତି ଦେଇଛି ଦଳ । ମଙ୍ଗଳବାର ଦିନ ବିଧାନସଭା ନିର୍ବାଚନ ପାଇଁ କଂଗ୍ରେସ ଜାରି କରିଥିବା ନିଜ ଘୋଷଣାପତ୍ରରେ ଏହି ପ୍ରତିଶ୍ରୁତି ଦେଇଛି । ଭୋଟର କେବଳ 4ଦିନ ପୂର୍ବରୁ ଜାରି କରିଥିବା ଏହି ଘୋଷଣା ପତ୍ରକୁ ଜନ ଘୋଷଣା ପତ୍ର-2 ନାମ ଦେଇଛି ଦଳ । ନଭେମ୍ବର 25ରେ ରାଜ୍ୟର 199ଟି ଆସନ ପାଇଁ ଭୋଟ୍ ପଡିବ ।