ଯାଜପୁର : ଦିନକୁ ଦିନ ନକଲି ସାମଗ୍ରୀର ପ୍ରାର୍ଦୂଭାବ ବୃଦ୍ଧି ପାଇବାରେ ଲାଗିଛି । ଏଥିରୁ ବାଦ୍ ପଡିନି ଗୃହ ନିର୍ମାଣ ନିମନ୍ତେ ବ୍ୟବହୃତ ହେଉଥିବା ସିମେଣ୍ଟ୍ । କଳିଙ୍ଗନଗର ଥାନା ଗୋଲାଗାଁ ନିକଟରେ ଠାବ ହେଲା ନକଲି ସିମେଣ୍ଟ କାରଖାନା । ୨୦୦ ବସ୍ତାରୁ ଅଧିକ ନକଲି ସିମେଣ୍ଟ ବସ୍ତା ଜବତ କଲା ପୋଲିସ । ଏଥିରେ ସମ୍ପୃକ୍ତି ଥିବା ୭ ଜଣଙ୍କୁ ଥାନାରେ ଅଟକ ରଖିଛି ପୋଲିସ।
ମିଳିଥିବା ସୂଚନା ଅନୁଯାୟୀ, ଯାଜପୁର କଳିଙ୍ଗନଗର ଗୋଲାଗାଁ ନିକଟରେ ଏକ ନକଲି ସିମେଣ୍ଟ କାରଖାନା ଚାଲୁଥିବା ନେଇ ସୂଚନା ଦେଇଥିଲା ଗୁଇନ୍ଦା ବିଭାଗ । ଏହାପରେ ଶୁକ୍ରବାର ବିଳମ୍ବିତ ରାତିରେ କଳିଙ୍ଗନଗର ଥାନା ପୋଲିସ ଚଢାଉ କରିଥିଲା । ଚଢାଉ ସମୟରେ କାରଖାନାରୁ ୨୦୦ ବସ୍ତାରୁ ଅଧିକ ନକଲି ସିମେଣ୍ଟ ଜବତ କରିବା ସହ କାରବାରରେ ସଂପୃକ୍ତି ଥିବା ୭ଜଣଙ୍କୁ ଅଟକ ରଖିଛି ପୋଲିସ ।
ସେହିପରି ଅଧିକ ତଥ୍ୟ ପାଇଁ ଛାନଭିନ କରିବା ସହ ଅଟକ ରଖିଥିବା ସମସ୍ତ ଅଭିଯୁକ୍ତଙ୍କ ପାଖରୁ ସତ ଉଗାଳୁଛି କଳିଙ୍ଗନଗର ଥାନା ପୋଲିସ ।
