ରାଜ୍ୟରେ ଅଦିନିଆ ବର୍ଷାରେ ହୋଇଥିବା ଫସଲ କ୍ଷୟକ୍ଷତି ଆକଳନ ସମୀକ୍ଷା ପାଇଁ ଶନିବାର ଉପମୁଖ୍ୟମନ୍ତ୍ରୀ ତଥା କୃଷି ଓ କୃଷକ କଲ୍ୟାଣ ମନ୍ତ୍ରୀ କନକବର୍ଦ୍ଧନ ସିଂହଦେଓଙ୍କ ଅଧ୍ୟକ୍ଷତାରେ ଭୁବନେଶ୍ୱରରେ ଏକ ଉଚ୍ଚ ସ୍ତରୀୟ ବୈଠକ ବସୁଛି। ଉକ୍ତ ବୈଠକରେ ଫସଲ କ୍ଷୟକ୍ଷତିର ଆକଳନ ଓ ଆଗାମୀ ପଦକ୍ଷେପ ନେଇ ସରକାର ନିଷ୍ପତ୍ତି ନେବେ। ରାୟଗଡ଼ା ଗ୍ରସ୍ତରେ ଥିବା ରାଜସ୍ୱ ଏବଂ ବିପର୍ୟ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ଏହି ସୂଚନା ଦେଇଛନ୍ତି। ଶୁକ୍ରବାର ଶ୍ରୀ ପୂଜାରୀ କହିଛନ୍ତି, ଶନିବାର ବସୁଥିବା ଉଚ୍ଚସ୍ତରୀୟ ବୈଠକରେ ରାଜସ୍ୱ ବିଭାଗ, କୃଷି ଓ ସମବାୟ ବିଭାଗ ଏବଂ ରାଜ୍ୟର ଅନ୍ୟ ପଦସ୍ଥ ଅଧିକାରୀଙ୍କୁ ଡକାଯାଇଛି।
