ରାଜଧାନୀ ରେ ଚାଞ୍ଚଲ୍ୟ । ଭୁବନେଶ୍ୱରର ରାମ ମନ୍ଦିର ପଛପଟେ ଥିବା ଅଳିଆ ଗଦାରେ ପଡିଥିବାର ଦେଖିବାକୁ ମିଳିଛି କଟା ହାତ ଏବଂ ଗୋଡ଼ । ମିଳିଥିବା ହାତ ଓ ଗୋଡ଼ରେ ଷ୍ଟିଚିଂ ହୋଇଥିବା ସୂଚନା । ତେବେ ଏହି ଛିଡ଼ା ହାତ, ଗୋଡ଼ କାହାର ଏବଂ ଏହା ଅଳିଆ ଗଦାକୁ କିପରି ଆସିଲା ତାହା ଅସ୍ପଷ୍ଟ । ପ୍ରଥମେ ସ୍ଥାନୀୟ ଲୋକ ଏହାକୁ ଦେଖିବା ପରେ ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ଖାରବେଳ ନଗର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ନିକଟରେ ଥିବା ଏକ ମେଡିକାଲ ଇନଷ୍ଟିଚ୍ୟୁଟ ଲ୍ୟାବରୁ ଆସିଥାଇପାରେ ବୋଲି ଅନୁମାନ କରୁଛି ପୋଲିସ । ଦୁର୍ଗନ୍ଧ ବାହାରୁ ନଥିବାରୁ ଏହାକୁ ପ୍ରିଜର୍ଭ କରି ରଖାଯାଇଥିଲା ବୋଲି ସନ୍ଦେହ କରୁଛି ପୋଲିସ । ଫରେନ୍ସନିକ ଯାଞ୍ଚ ପାଇଁ ଏମ୍ସ ପଠାଯିବା ନେଇ ଥାନାଧିକାରୀଙ୍କ ସୂଚନା ।
