କଟକର ନିର୍ମାଣାଧୀନ ନେତାଜୀ ବସ୍ ଟର୍ମିନାଲ ପାଇଁ ଅଧିକ ଅର୍ଥ ମଞ୍ଜୁର କଲେ ରାଜ୍ୟ ସରକାର

କଟକ ଖାନନଗରରେ ଯୁଦ୍ଧକାଳୀନ ଭିତ୍ତିରେ ଚାଲିଛି ନେତାଜୀ ବସ୍ ଟର୍ମିନାଲ କାର୍ଯ୍ୟ ମେ ମାସରୁ ଆରମ୍ଭ ହୋଇଛି। ତାମିଲନାଡୁର ୟୁଆରସି ପ୍ରାଇଭେଟ ଲିମିଟେଡ଼ ନାମକ ସଂସ୍ଥା ଏହି ବସ୍ ଟର୍ମିନାଲର କାମ କରୁଛି । ପ୍ରାଥମିକ ପର୍ଯ୍ୟାୟରେ ରାଜ୍ୟ ସରକାର ଏହି ବସ୍ ଟର୍ମିନାଲ ପାଇଁ ୬୫ କୋଟି ଟଙ୍କା ମଞ୍ଜୁର କରିଥିଲେ । ଏବେ ସରକାର ଏହି ବସ୍ ଟର୍ମିନାଲ ପାଇଁ ଆହୁରି ପ୍ରାୟ ୩୫ କୋଟି ଟଙ୍କା ଅଧିକ ମଞୁର କରିଛନ୍ତି ବୋଲି ସୂଚନା ଦେଇଛନ୍ତି ରାଜ୍ୟସଭା ସାଂସଦ ସୁବାଷ ସିଂହ ।

ସେପଟେ ସିଏମସି କମିଶନର ଅନନ୍ୟା ଦାସ ବସ୍ ଟର୍ମିନାଲ କାମର ଅଗ୍ରଗତି ସମୀକ୍ଷା କରିଛନ୍ତି । ବସ୍ ଟର୍ମିନାଲ କାମ ସଠିକ ଚାଲିଛି ଓ ଏହିପରି କାମ ଚାଲିଲେ ଆସନ୍ତା ଫେବୃଆରୀ ମାସ ଭିତରେ କାର୍ଯ୍ୟ ଶେଷ ହୋଇଯିବ ବୋଲି ସିଏମସି କମିଶନର କହିଛନ୍ତି।