ମର୍ମନ୍ତୁଦ ଦୁର୍ଘଟଣା, ଟ୍ରକ ଧକ୍କାରେ ଚାଲିଗଲା ବାପ-ଝିଅଙ୍କ ଜୀବନ

ବାଇକକୁ ପିଟିଲା ଟ୍ରକ । ବାପ-ଝିଅ ମୃତ, ଅନ୍ୟ ଜଣେ ଗୁରୁତର । ମୃତକ ଦ୍ବୟ ହେଲେ ଉତ୍କଳ ଭୋଇ ଓ ତାଙ୍କ ଝିଅ ଡିଲେଶ୍ବରୀ ଭୋଇ | ଖବର ଅନୁଯାୟୀ, ମୃତକଙ୍କ ଘର ବରଗଡ ଜିଲ୍ଲା ଅତାବିରା ଥାନା ଆମଝର ଗାଁରେ ।

ଏକ ବାଇକ ଯୋଗେ ସମ୍ବଲପୁର ଆସୁଥିବା ବେଳେ ବୈଜାମୁଣ୍ଡା ନିକଟରେ ଏକ ଟ୍ରକ୍ ଧକ୍କା ଦେଇଥିଲା । ଘଟଣାସ୍ଥଳରେ ବାଇକରେ ଥିବା ୨ଜଣ ବାପ ଝିଅଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି । ଗୁରୁତରଙ୍କୁ ଘଟଣାସ୍ଥଳରୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରିଛି।