ସକାଳେ ଖାଲି ପେଟରେ ପାଣି ପିଇବା ଦ୍ୱାରା ତ ହାଇଡ୍ରେଟେଡ୍ ରହିବା ସହ ଶରୀରରୁ ସମସ୍ତ ବିଷାକ୍ତ ପଦାର୍ଥ ବାହାର ହୋଇଥାଏ। ସେହିପରି ଆବଶ୍ୟକତାଠାରୁ କମ୍ ପାଣି ପିଇବା ଦ୍ୱାରା ପେଟ ଏବଂ ଚର୍ମ ସମସ୍ୟା ଦେଖାଦେଇଥାଏ। ଡାକ୍ତରମାନେ ମଧ୍ୟ ପରାମର୍ଶ ଦେଇଛନ୍ତି ଯେ ଗୋଟିଏ ଦିନରେ ୧୦ ରୁ ୧୨ ଗ୍ଲାସ ପାଣି ପିଇବା ଜରୁରୀ। ଏଥି ସହିତ, କିଛି ଲୋକ ମଧ୍ୟ ବିଶ୍ୱାସ କରନ୍ତି ଯେ ସକାଳେ ବ୍ରଶ ନକରି ପାଣି ପିଇବା ଅଧିକ ଲାଭଦାୟକ ଅଟେ। ବ୍ରଶ ନକରି ପାଣି ପିଇବା ସ୍ୱାସ୍ଥ୍ୟ ପାଇଁ ପ୍ରକୃତରେ ଲାଭଦାୟକ କି ? ଆସନ୍ତୁ ଜାଣିବା।
-ସକାଳେ ବ୍ରଶ କରିବା ପୂର୍ବରୁ ପାଣି ପିଇବା ଦ୍ୱାରା ହଜମ ପ୍ରକ୍ରିୟା ମଜବୁତ ହୋଇଥାଏ। ଏହା ବ୍ୟତୀତ ପାଟିରେ ଜୀବାଣୁ ଜମା ହୁଏ ନାହିଁ।
– ସକାଳେ ଖାଲି ପେଟରେ ପାଣି ପିଇବା ଦ୍ୱାରା ରୋଗପ୍ରତିଶୋଧକ କ୍ଷମତା ବଢେ।
-ଯେଉଁମାନଙ୍କୁ ଶୀଘ୍ର ଥଣ୍ଡା ଜ୍ୱର ହୁଏ ସେମାନଙ୍କୁ ସକାଳେ ପାଣି ପିଇବା ଉଚିତ।
-ବ୍ରଶ ନକରି ପାଣି ପିଇବା ଦ୍ୱାରା ଆପଣଙ୍କ କେଶ ଶକ୍ତିଶାଳୀ ଏବଂ ଚମକପୂର୍ଣ୍ଣ ହୁଏ ଏବଂ ଚର୍ମରେ ଚମକ ରହିଥାଏ।
– କୋଷ୍ଠକାଠିନ୍ୟ, ପାଟି ଘା’, ପେଟ ସମ୍ବନ୍ଧୀୟ ସମସ୍ୟା ହୁଏ ନାହିଁ।
-ଯଦି ଆପଣଙ୍କର ଉଚ୍ଚ ରକ୍ତଚାପ ଏବଂ ମଧୁମେହ ଅଛି, ତେବେ ଆପଣଙ୍କୁ ସକାଳେ ବିନା ବ୍ରଶ କରି ପାଣି ପିଇବା ଉଚିତ। ଏହା ବ୍ୟତୀତ ସକାଳେ ଖାଲି ପେଟରେ ପାଣି ପିଇବା ଦ୍ୱାରା ମେଦବହୁଳତା ମଧ୍ୟ କମିଯାଏ।
