ମୁମ୍ବାଇ: ଇଡି ଜାଲରେ ରାଜକୁନ୍ଦ୍ରା ଓ ଶିଳ୍ପା ସେଟ୍ଟୀ । ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ୱାମୀ ତଥା ବିଶିଷ୍ଠ ବ୍ୟବସାୟୀ ରାଜକୁନ୍ଦ୍ରାଙ୍କ କୋଟି କୋଟି ଟଙ୍କାର ସମ୍ପତ୍ତି ଜବତ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ। ଶିଳ୍ପାଙ୍କ ଜୁହୁ ସ୍ଥିତି ଫ୍ଲାଟ୍ ମଧ୍ୟ ଜବତ କରାଯାଇଛି।
ସୂଚନା ଅନୁସାରେ ବିଟ୍ କଏନ୍ ସ୍କାମ ଘଟଣାରେ ଇଡ଼ି ରାଜ କୁନ୍ଦ୍ରାଙ୍କର ୯୭.୭୯କୋଟି ଟଙ୍କାର ସମ୍ପତ୍ତି ଜବତ କରିଛି। ପିଏମଏଲଏ ଆକ୍ଟ ୨୦୦୨ ଅନୁସାରେ ରାଜ କୁନ୍ଦ୍ରାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ନେଇଛି ଇଡ଼ି। ଜବତ ହୋଇଥିବା ସମ୍ପତ୍ତି ମଧ୍ୟରେ ଜୁହୁ ସ୍ଥିତ ଏକ ଫ୍ଲାଟ ରହିଛି, ଯାହା ଶିଳ୍ପାଙ୍କ ନାମରେ ଥିଲା ଏବଂ ପୁଣେରେ ରାଜ କୁନ୍ଦ୍ରାଙ୍କ ନାମରେ ଥିବା ଏକ ଆବାସିକ ବଙ୍ଗଳା ମଧ୍ୟ ଜବତ କରିଛି ଇଡ଼ି। ମହାରାଷ୍ଟ୍ର ପୁଲିସ ଏବଂ ଦିଲ୍ଲୀ ପୁଲିସ ଦ୍ୱାରା ରୁଜୁ ହୋଇଥିବା ମାମଲାକୁ ଆଧାର କରି ଯାଞ୍ଚ ଆରମ୍ଭ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ।
