ନୂଆଦିଲ୍ଲୀ- ଲୋକସଭା ନିର୍ବାଚନ 2024 ପାଇଁ ବିଜେପି ନିଜର ମେନିଫେଷ୍ଟୋ କମିଟି ଘୋଷଣା କରିଛି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ 27 ସଦସ୍ୟ ବିଶିଷ୍ଟ ଏହି କମିଟିର ଅଧ୍ୟକ୍ଷ କରାଯାଇଛି ।
ଶନିବାର ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ମେନିଫେଷ୍ଟୋ କମିଟିର ସଦସ୍ୟଙ୍କ ନାମ ଘୋଷଣା କରିଥିଲେ । କମିଟିରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ସଂଯୋଜକ ଓ କେନ୍ଦ୍ରମନ୍ତ୍ରୀ ପୀୟୁଷ ଗୋଏଲଙ୍କୁ ସହ-ସଂଯୋଜକ କରାଯାଇଛି ।
କମିଟିରେ ଅର୍ଜୁନ ମୁଣ୍ଡା, ଭୂପେନ୍ଦ୍ର ଯାଦବ, ଅର୍ଜୁନ ରାମ ମେଗୱାଲ, କିରନ ରିଜିଜୁ, ଅଶ୍ୱିନୀ ବୈଷ୍ଣବ, ଧର୍ମେନ୍ଦ୍ର ପ୍ରଧାନ, ସ୍ମୃତି ଇରାନୀ, ସୁଶୀଲ ମୋଦି, ବିନୋଦ ତାୱଡେ ଓ ଅନିଲ ଆଣ୍ଟୋନୀ ସାମିଲ ଅଛନ୍ତି ।
