ଭୁବନେଶ୍ବର : ଚଳିତବର୍ଷ କୌଣସି ବିଦ୍ୟୁତ୍ ଦେୟ ବୃଦ୍ଧି ପାଇବ ନାହିଁ। ୨୦୨୫-୨୬ ଆର୍ଥିକ ବର୍ଷରେ ବିଦ୍ୟୁତ୍ ଦର ଅପରିବର୍ତ୍ତିତ ରହିଛି। ଏଥିନେଇ ସୋମବାର ଓଡ଼ିଶା ବିଦ୍ୟୁତ୍ ନିୟାମକ ଆୟୋଗ ପକ୍ଷରୁ ଏ ସଂକ୍ରାନ୍ତରେ ଘୋଷଣା କରାଯାଇଛି। ୨୦୨୫-୨୬ ଆର୍ଥିକ ବର୍ଷରେ ଘରୋଇ ଉପଭୋକ୍ତା ଅଧିକ ଦେୟ ଦେବେ ନାହିଁ। ବିଦ୍ୟୁତ୍ ଦର ଅପରବର୍ତ୍ତିତ ରହିବା ସହିତ ଘରୋଇ ଉପଭୋକ୍ତାଙ୍କଠାରୁ ସ୍ମାର୍ଟ ମିଟର ନାଁରେ ଘରୋଇ କମ୍ପାନୀ ଚଳାଇଥିବା ଶୋଷଣ ଉପରେ ଓଇଆରସି ଅଙ୍କୁଶ ଲଗାଇଛି।
