ବିଭିନ୍ନ ଦାବି ପୂରଣ ପାଇଁ କେନ୍ଦ୍ର ସରକାରଙ୍କ ଉପରେ ଚାପ ପକାଇବାକୁ ଡିସେମ୍ବର ୬ରେ କୃଷକମାନେ ଦିଲ୍ଲୀ ଯାତ୍ରା କରିବେ ବୋଲି ଜଣାପଡିଛି। ସୋମବାର ଏକ ବୈଠକରେ ନିଷ୍ପତ୍ତି ନିଆଯିବା ପରେ ‘ସଂଯୁକ୍ତ କିଷାନ ମୋର୍ଚ୍ଚା’ ଓ ‘କିଷାନ ମଜଦୁର ମୋର୍ଚ୍ଚା’ ପକ୍ଷରୁ ଏହି ସୂଚନା ପ୍ରଦାନ କରାଯାଇଛି। ଚଳିତବର୍ଷ ଫେବୃଆରୀ ୧୩ରେ ସୁରକ୍ଷା କର୍ମୀ ସେମାନଙ୍କୁ ଅଟକାଇଥିବାବେଳେ ବର୍ତ୍ତମାନ କୃଷକମାନେ ଦିଲ୍ଲୀ ସଂଲଗ୍ନ ଶମ୍ଭୁ ଓ ଖାନାଉରି ସୀମାରେ ଡେରା ପକାଇଛନ୍ତି। ଇତିମଧ୍ୟରେ ୯ ମାସ ଅତିକ୍ରାନ୍ତ ହୋଇସାରିଥିବାବେଳେ ସରକାର ସେମାନଙ୍କ ଦାବି ପ୍ରତି କର୍ଣ୍ଣପାତ କରୁନଥିବାରୁ ସେମାନେ ବାଧ୍ୟ ହୋଇ ଡିସେମ୍ବର ୬ରେ ଦିଲ୍ଲୀରେ ପ୍ରବେଶ କରିବେ ବୋଲି କିଷାନ ମଜଦୁର ମୋର୍ଚ୍ଚା ନେତା ସ୍ବରଣ ସିଂହ ପାନ୍ଧେର କହିଛନ୍ତି।
