ବାଘ ସହ ସଂଘର୍ଷ

ଯିଏ ନିଜର ମୃତ୍ୟୁକୁ ଅତି ନିକଟରୁ ଦେଖିଛି ସେ ହିଁ ଜାଣିଛି ଯେ, ମୃତ୍ୟୁ କେତେ ଭୟଙ୍କର। ପୁଣି ଏପରି ପରିସ୍ଥିତିରୁ ବଞ୍ଚିବାର ସଂଘର୍ଷ ଆହୁରି ଯେ, କେତେ କଷ୍ଟ। ଏମିତି କିଛି ଘଟଣା ଘଟିଛି ଆସାମର ସୋନିତପୁର ଜିଲ୍ଲା ସୋଲମାରି ଅଞ୍ଚଳରେ। ଜଣେ ୧୫ ବର୍ଷର ଝିଅ ରେଣୁ ମାଝି ପ୍ରାୟ ୨ ଘଣ୍ଟା ଗୋଟେ ବନ୍ଦ କୋଠରୀରେ ଫସିରହିଥିଲେ କାଲରାପତରିଆ ବାଘ ସହ। ଏହି ସମୟ ତାଙ୍କ ଜୀବନର ସବୁଠୁ ସଂଘର୍ଷମୟ ସମୟ ଥିବା ସେ ନିଜେ କହିଛନ୍ତି। ଏହି ଘଟଣା ଘଟିଥିଲା ଫେବୃଆରୀ ୧୪ ତାରିଖରେ। ସକାଳ ପ୍ରାୟ ୧୦ଟା ରେ ସେ ତାଙ୍କ ଘରେ ଥିବା ବେଳେ ହଠାତ୍ କାଲରାପତରିଆ ବାଘ ତାଙ୍କ ଘର ପାଖରେ  ଦେଖାଯାଇଥିଲ। ଏହା ପରେ ସେହି ବାଘକୁ ହଟାଇବା ପାଇଁ ସ୍ଥାନୀୟ ଲୋକ ପାଟି କରି ଚିଲେଇ ଥିଲେ। କିନ୍ତୁ ବାଘଟି  ରେଣୁଙ୍କ ଘରେ ପଶିଯାଇଥିଲା । ସେତେବେଳକୁ ରେଣୁ ତାଙ୍କ ପରିବାର ସହ ଘରେ ବସିଥିଲେ । ଏହା ପରେ ଅନ୍ୟମାନେ ଦୌଡ଼ି ବାହାରକୁ ପଳାଇଥିଲେ କିନ୍ତୁ ରେଣୁ ଏମିତି ସ୍ଥାନରେ ଥିଲେ ଯେ ତାଙ୍କୁ ବାହାରିବା ମୁସକିଲ ଥିଲା । ହେଲେ ଅନ୍ୟ ଲୋକ ଭାବିଲେ ଯେ ରେଣୁ ବାହାରକୁ ଚାଲି ଆସିଛନ୍ତି ତେଣୁ ଫରେଷ୍ଟ ଗାର୍ଡ ନଆସିବା ପର୍ଯ୍ୟନ୍ତ ଲୋକମାନେ କାଲରାପତରିଆ ବାଘ ପଶିଥିବା ଘରେ ତାଲା ପକାଇଥିଲେ। କିନ୍ତୁ ପରେ ଜଣାପଡ଼ିଥିଲା ଯେ, ରେଣୁ ସେହି ଘରେ ଅଛି ବୋଲି।