ଗରିବଙ୍କ ସ୍ୱାସ୍ଥ୍ୟ ପାଇଁ ବରଦାନ ସାବ୍ୟସ୍ତ ହେଉଛି ବିକଶିତ ଭାରତ ସଂକଳ୍ପ ଯାତ୍ରା-ପିଏମ ମୋଦି

ନୂଆଦିଲ୍ଲୀ, 8 ଜାନୁୟାରୀ -ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ବିକଶିତ ଭାରତ ସଂକଳ୍ପ ଯାତ୍ରା ଗରିବଙ୍କ ସ୍ୱାସ୍ଥ୍ୟ ପାଇଁ ବରଦାନ ସାବ୍ୟସ୍ତ ହୋଇଛି ।
ପ୍ରଧାନମନ୍ତ୍ରୀ ମୋଦି ସୋମବାର ବିକଶିତ ଭାରତ ସଂକଳ୍ପ ଯାତ୍ରାର ହିତାଧିକାରୀଙ୍କ ସହ ଭିସି ଜରିଆରେ ଆଲୋଚନା କରିଛନ୍ତି । ସେ କହିଛନ୍ତି ଯେ, ଦୁଇତିନ ଦିନ ପୂର୍ବରୁ ବିକଶିତ ଭାରତ ସଂକଳ୍ପ ଯାତ୍ରା ନିଜର 50 ଦିନ ପୂରଣ କରିଛି । ଖୁବ୍ କମ୍ ସମୟରେ ଏହି ଯାତ୍ରାରେ 11କୋଟି ଲୋକଙ୍କୁ ଯୋଡିବା ଅଦ୍ଭୁତ ଅଟେ । ଏହି ଯାତ୍ରାର ବଡ ଉଦ୍ଦେଶ୍ୟ ହେଉଛି କୌଣସି ହିତାଧିକାରୀ ସରକାରୀ ଯୋଜନାର ଲାଭରୁ ବଞ୍ଚିତ ନହୁଅନ୍ତୁ ।ଅନେକ ଥର ସଚେତନତାର ଅଭାବରୁ କିମ୍ବା ଅନ୍ୟ କୌଣସି କାରଣରୁ କିଛି ଲୋକ ସରକାରୀ ଯୋଜନାର ଲାଭରୁ ବଞ୍ଚିତ ହୋଇଥାନ୍ତି । ଏଭଳି ଲୋକଙ୍କ ନିକଟରେ ପହଞ୍ଚି ଆମର ସରକାର ନିଜର ଦାୟିତ୍ୱ ବୁଝାଇଥାଏ । ଏଥିପାଇଁ ମୋଦିଙ୍କ ଗ୍ୟାରେଣ୍ଟିର ଏହି ଗାଡି ଗାଁ ଗାଁ ବୁଲୁଛି ।