ମଥୁରା- ଉତ୍ତରପ୍ରଦେଶର ମଥୁରା ଜିଲ୍ଲାରେ ଶୁକ୍ରବାର ବିଳମ୍ବିତ ରାତିରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦିଲ୍ଲୀ-ଆଗ୍ରା ଜାତୀୟ ରାଜପଥରେ ଏକ କାର ଦୁର୍ଘଟଣାରେ 4ଜଣଙ୍କର ମୃତ୍ୟୁ ହୋଇଛି ।
ଜୈତ ଥାନା ଅନ୍ତର୍ଗତ ଚୌଧୁରୀ ଢାବା ନିକଟରେ ଏହି ଦୁର୍ଘଟଣା ଘଟିଛି । ପ୍ରତ୍ୟକ୍ଷଦର୍ଶୀଙ୍କ ସୂଚନା ମୁତାବକ ଦିଲ୍ଲୀରୁ ଏକ କାର ଦ୍ରୁତ ଗତିରେ ଆସୁଥିଲା, ଯାହାକି ଢାବା ନିକଟରେ ଭାରସାମ୍ୟ ହରାଇ ପୂର୍ବରୁ ଠିଆ ହୋଇଥିବା ଏକ ଟ୍ରକ ସହ ଧକ୍କା ହୋଇଥିଲା । ଦୁର୍ଘଟଣା ଯୋଗୁ କାରରେ ଥିବା ତିନି ବନ୍ଧୁଙ୍କ ସମେତ ଟ୍ରକ ଡ୍ରାଇଭରଙ୍କର ମୃତ୍ୟୁ ହୋଇଛି । ସେହିପରି କାରରେ ଥିବା ଅନ୍ୟ ଦୁଇଜଣଙ୍କ ଅବସ୍ଥା ଗୁରୁତର ରହିଛି । କାରରେ 5ଜଣ ବନ୍ଧୁ ଆଲିଗଡରୁ କୋକିଳାବନ ଶନିଦେବଙ୍କ ଦର୍ଶନ ପାଇଁ ଯାଉଥିଲେ ।
ପୋଲିସର ସୂଚନା ମୁତାବକ, କାରରେ ଫସିଥିବା ଲୋକଙ୍କୁ ଉଦ୍ଧାର କରାଯାଇଛି । ଏହାପରେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । 5ଜଣ ବନ୍ଧୁ ଆଲିଗଡର ବାସିନ୍ଦା ହୋଇଥିବା ବେଳେ ଟ୍ରକ ଡ୍ରାଇଭର ବିହାରର ବୋଲି ଜଣାପଡିଛି ।
