ଡେସ୍କ: ଦ୍ୱାରକା ଶାରଦା ପୀଠର ଶଙ୍କରାଚାର୍ଯ୍ୟ ସ୍ୱାମୀ ସ୍ୱରୂପାନନ୍ଦ ସରସ୍ୱତୀଙ୍କ ଆଜି ଶେଷକୃତ୍ୟ କରାଯିବ। ମଧ୍ୟପ୍ରଦେଶର ନରସିଂହପୁରରେ ଏହି ଶେଷକୃତ୍ୟ କରାଯିବ। ଗତକାଲି ନରସିଂହପୁରସ୍ଥିତ ଶ୍ରୀଧାମର ଝୋଟେଶ୍ୱର ଆଶ୍ରମରେ ୯୯ ବର୍ଷ ବୟସରେ ତାଙ୍କର ଦେବାନ୍ତ ଘଟିଛି। ୧୯୮୧ ମସିହାରେ ସେ ଶଙ୍କରାଚାର୍ଯ୍ୟ ଭାବେ ଅଭିଷିକ୍ତ ହୋଇଥିଲେ। ସ୍ୱାମୀ ସ୍ୱରୂପାନନ୍ଦ ସରସ୍ୱତୀ ସ୍ୱାଧୀନତା ସଂଗ୍ରାମ ସମୟରେ କାରାବରଣ କରିଥିଲେ। ଏହାଛଡ଼ା ରାମମନ୍ଦିର ନିର୍ମାଣ ନିମନ୍ତେ ଦୀର୍ଘଦିନ ଧରି ଆଇନଗତ ଲଢ଼େଇ ଲଢ଼ିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାମୀ ସ୍ୱରୂପାନନ୍ଦ ସରସ୍ୱତୀଙ୍କ ନିଧନରେ ଶୋକବ୍ୟକ୍ତ କରିଛନ୍ତି। ଏକ ଟ୍ୱିଟ୍ ଜରିଆରେ ସେ ସ୍ୱାମୀଜୀଙ୍କ ଶିଷ୍ୟମାନଙ୍କୁ ସମବେଦନା ଜଣାଇଛନ୍ତି।
