() ପରଦାକୁ ଆସିଛି ସନି ଦେଓଲ ଓ ଅମିଶା ପଟେଲ୍ଙ୍କ ଅଭିନୀତ ବହୁ ପ୍ରତୀକ୍ଷିତ ଫିଲ୍ମ ‘ଗଦର-୨’। ଫିଲ୍ମ ପାଇଁ ବହୁ ମାତ୍ରାରେ ଅଗ୍ରିମ ବୁକିଂ ହୋଇଥିବାରୁ ସକାଳୁ ପ୍ରେକ୍ଷାଳରେ ସମ୍ମୁଖରେ ଲମ୍ବା ଲମ୍ବା ଧାଡ଼ି ଦେଖିବାକୁ ମିଳିଛି। ସକାଳ ସୋ’ରେ ପ୍ରାୟ ୪୫ ପ୍ରତିଶତ ଦର୍ଶକଙ୍କୁ ଦେଖିବାକୁ ମିଳିଛି। ଯେଉଁଠାରେ ଲୋକମାନେ ୨୨ ବର୍ଷ ତଳେ ରିଲଜ୍ ହୋଇଥିବା ‘ଗଦର: ଏକ ପ୍ରେମ କଥା’ର ସ୍ମୃତିକୁ ମନେ ପକାଇ ପ୍ରେକ୍ଷାଳୟରେ ପହଞ୍ଚୁଛନ୍ତି। ଏହା ସନି ଦେଓଲଙ୍କ କ୍ୟାରିୟରର ସବୁଠାରୁ ବଡ ଚଳଚ୍ଚିତ୍ର ହେବାକୁ ଯାଉଛି ବୋଲି ଶୁଣିବାକୁ ମିଳୁଛି।
୨୦୨୩ ମସିହାରେ ଶାହରୁଖ ଖାନଙ୍କ ‘ପଠାନ’ ପରେ ‘ଗଦର-୨’ ପାଇଁ ସବୁଠାରୁ ଅଧିକ ଟିକେଟ୍ ଅଗ୍ରିମ ବୁକିଂ ହୋଇଛି। ରିପୋର୍ଟ ଅନୁଯାୟୀ, ଗୁରୁବାର ରାତି ସୁଧା ସନି ଦେଓଲଙ୍କ ଏହି ଫିଲ୍ମ ପାଇଁ ୭,୨୨,୮୨୧ ଟିକେଟ୍ ହୋଇଥିବା ସୂଚନା ରହିଛି। ରିଲିଜ୍ ପୂର୍ବରୁ ମଧ୍ୟ ଏହି ଚଳଚ୍ଚିତ୍ର ଉଦଘାଟନୀ ଦିନରେ୧୭.୬ କୋଟି ଟଙ୍କା ଆୟ କରିଛି। ଶୁକ୍ରବାର ଦିନ ଅନ-ସ୍ପଟ୍ ବୁକିଂ ମଧ୍ୟ ହେଉଛି।
