ମେଘାଳୟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ

ଶିଲଂ, 9 ଡିସେମ୍ବର – ମେଘାଳୟରେ ମିଜୋରାମର ଜଣେ ବ୍ୟକ୍ତିଙ୍କ ଠାରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ଏହି ଘଟଣାରେ ସମ୍ପୃକ୍ତ ବ୍ୟକ୍ତିଙ୍କୁ ଗିରଫ କରାଯାଇଛି । ମେଘାଳୟ ପୋଲିସ ଓ ମିଲିଟାରୀ ଇଣ୍ଟେଲିଜେନ୍ସର ମିଳିତ ଅଭିଯାନ ସମୟରେ ଏହି ସଫଳତା ମିଳିଛି ।
ଗିରଫ ଅଭିଯୁକ୍ତ ଜଣକ ଏହି ଅସ୍ତ୍ରଶସ୍ତ୍ରକୁ ବିକ୍ରି କରିବାକୁ ଯାଉଥିବା ବେଳେ ମେଘାଳୟର ରି-ଭୋଇ ଜିଲ୍ଲାରୁ ଗିରଫ କରାଯାଇଛି । ଅଭିଯୁକ୍ତ ଠାରୁ ଏକେ-47ର ଏକ ହଜାର 52ଟି ଜୀବନ୍ତ ଗୁଳି, ଗ୍ରେନେଡ, ମ୍ୟାଗାଜିନ, ରାଇଫଲ, ପିସ୍ତଲ ଓ 34ଟି ସରକାରୀ ମୋହର ଜବତ କରାଯାଇଛି । ଘଟଣାର ତଦନ୍ତ ଜାରି ରହିଛି ।