ଗାଁରେ ମଦ ବନ୍ଦ ପାଇଁ ଅଣ୍ଟା ଭିଡ଼ିଲେ ମହିଳା

ବେଗୁନିଆ : ମଦ ଛାଡ଼ ଗାଁ ଗଢ଼ , ଏପରି ନାରାବାଜି ଦେଇ ଆଜି ଶତାଧିକ ମହିଳା ବୋଲାଗଡ଼ ବ୍ଲକ ଗୋପାଳପୁର ଗ୍ରାମପଞ୍ଚାୟତ କାର୍ଯ୍ୟାଳୟ ଘେରାଉ କରିଛନ୍ତି । ଗାଁରେ ମଦବିକ୍ରି ଦ୍ୱାରା ପରିବାର ଉଜୁଡି ଯାଉଥିବା ଅଭିଯୋଗ କରିଛନ୍ତି ମହିଳା । ତୁରନ୍ତ ଗାଁକୁ ମଦମୁକ୍ତ କରିବା ପାଇଁ ଜିଲ୍ଲାପାଳ ଓ ଥାନା ଅଧିକାରୀଙ୍କୁ ଦାବିପତ୍ର ଦେଇଛନ୍ତି ।

ସେହିପରି ଗୋପାଳପୁର ପଞ୍ଚାୟତରେ ଦିନକୁ ଦିନ ଚୋରା ମଦ କାରବାର ବୃଦ୍ଧି ପାଉଛି ଗାଁର ଅନେକ ଦୋକାନରେ ଚୋରା ମଦ ଓ ପାଉଚ ମଦ ବିକ୍ରି ହେଉଥିବା ଅଭିଯୋଗ କରି ସରପଞ୍ଚଙ୍କୁ ମଧ୍ୟ ଅବଗତ କରିଛନ୍ତି । ତୁରନ୍ତ ଗାଁରେ ଓ ପଂଚାୟତରେ ମଦ ବନ୍ଦ କରାନଗଲେ ଆନ୍ଦୋଳନକୁ ତୀବ୍ର କରିବେ ବୋଲି ଚେତାବନୀ ଦେଇଛନ୍ତି ମହିଳା ।