ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବକ୍ସି ଡେ’ ଟେଷ୍ଟ ଜାରି ରହିଛି। ଶନିବାର ଖେଳର ୩ୟ ଦିବସରେ ଭାରତକୁ ବଡ଼ ବିପର୍ଯ୍ୟୟରୁ ଉଦ୍ଧାର କରିଛନ୍ତି ଦୁଇ ଅଲରାଉଣ୍ଡର ନିତିଶ ରେଡ୍ଡୀ ଏବଂ ୱାଶିଂଟନ ସୁନ୍ଦର। ୨୨୧ ରନରେ ଦଳ ୭ ଉଇକେଟ ହରାଇଥିବାବେଳେ ଉଭୟେ ଦୃଢ଼ତାର ସହିତ ବ୍ୟାଟିଂ କରି ଦଳର ସ୍କୋରକୁ ଆଗେଇ ଦେଇଛନ୍ତି। ୩ୟ ଦିବସର ୨ୟ ସେସନ ଖେଳ ଚାଲିଥିବାବେଳେ ଭାରତ ୭ ଉଇକେଟ ବିନିମୟରେ ୩୨୬ ରନ ସଂଗ୍ରହ କରି ବ୍ୟାଟିଂ ଜାରି ରଖିଛି। ନିତିଶ ୮୫ ଏବଂ ସୁନ୍ଦର ୪୦ ରନ କରି ଅପରାଜିତ ରହିଛନ୍ତି।
