ଦେଶରେ ନିମ୍ନଗାମୀ କରୋନା ଗ୍ରାଫ୍, 24 ଘଣ୍ଟା ମଧ୍ୟରେ 67 ହଜାର 256 ନୂଆ କରୋନା ରୋଗୀ ଚିହ୍ନଟ

କରୋନା ମହାମାରୀର ଦ୍ୱିତୀୟ ଲହର ସତ୍ତ୍ୱେ ବର୍ତ୍ତମାନ ନୂଆ ସଂକ୍ରମିତଙ୍କ ସଂଖ୍ୟାରେ ହ୍ରାସ ଘଟିଛି । ଯଦିଓ ଗତ ତିନି ଦିନ ମଧ୍ୟରେ କେତେକ ମାମଲା ବୃଦ୍ଧି ପାଇଛି, କିନ୍ତୁ ପୂର୍ବ ତୁଳନାରେ ବର୍ତ୍ତମାନ ସଂକ୍ରମଣର ଗତି ଯଥେଷ୍ଟ ହ୍ରାସ ପାଇଛି । ସ୍ୱାସ୍ଥ୍ୟ ମନ୍ତ୍ରଣାଳୟର ସର୍ବଶେଷ ତଥ୍ୟ ଅନୁଯାୟୀ, ଗତ 24 ଘଣ୍ଟା ମଧ୍ୟରେ 67 ହଜାର 256 ନୂଆ କରୋନା ରୋଗୀ ଚିହ୍ନଟ ହୋଇଛନ୍ତି । ଏଥିସହିତ 2329 ଜଣଙ୍କର ମୃତ୍ୟୁ ହୋଇଛି । ସେହିପରି 1 ଲକ୍ଷ 3 ହଜାର 570 ଜଣ ଲୋକ ସୁସ୍ଥ ହୋଇଛନ୍ତି ।

ଦେଶରେ ଏଯାବତ୍ ସମୁଦାୟ ସଂକ୍ରମିତ ଲୋକଙ୍କ ବିଷୟରେ କହିବାକୁ ଗଲେ ଏହି ସଂଖ୍ୟା 2 କୋଟି 97 ଲକ୍ଷ 313 ଥିବାବେଳେ ଏପର୍ଯ୍ୟନ୍ତ 2 କୋଟି 84 ଲକ୍ଷ 91 ହଜାର 670 ଜଣ ସୁସ୍ଥ ହୋଇଛନ୍ତି । ଏଥି ସହିତ ଦେଶରେ ବର୍ତ୍ତମାନ ପର୍ଯ୍ୟନ୍ତ କରୋନା କାରଣରୁ 3 ଲକ୍ଷ 81 ହଜାର 903 ଜଣଙ୍କର ମୃତ୍ୟୁ ହୋଇଛି ।

ଦେଶର ମୋଟ ସକ୍ରିୟ ମାମଲା ବିଷୟରେ କହିବାକୁ ଗଲେ ଏହା ଗତ 71 ଦିନ ମଧ୍ୟରେ ସର୍ବନିମ୍ନ ସ୍ତରରେ ପହଞ୍ଚିଛି । ବର୍ତ୍ତମାନ ଦେଶରେ ମୋଟ ସଂକ୍ରମିତ ରୋଗୀଙ୍କ ସଂଖ୍ୟା ହେଉଛି 8 ଲକ୍ଷ 26 ହଜାର 740 । ଦେଶରେ କରୋନା ଟୀକାକରଣର ଗତି କ୍ରମାଗତ ଭାବେ ବୃଦ୍ଧି ପାଉଛି ଏବଂ ଏପର୍ଯ୍ୟନ୍ତ 26 କୋଟି 55 ଲକ୍ଷ 19 ହଜାର 251 ଡୋଜ୍ ଟିକା ଦିଆଯାଇଛି ।