ଜେରୁଜେଲମ୍/ ତେଲଅଭିବ/ବେରୁତ- ଇସ୍ରାଏଲ-ହମାସ ମଧ୍ୟରେ ଯୁଦ୍ଧର ଆଜି 16ତମ ଦିନ । ଆଜି ଭୋରରୁ ଇସ୍ରାଏଲର ୱେଷ୍ଟବ୍ୟାଙ୍କ ଉପରେ ଆକାଶମାର୍ଗରୁ ଆକ୍ରମଣ ହୋଇଛି । ଅଲ-ଅନସାର ମସଜିଦ ଉପରେ ବୋମା ବର୍ଷଣ ହୋଇଛି । ଏହି ମସଜିଦରେ ବହୁସଂଖ୍ୟାରେ ଆତଙ୍କବାଦୀ ଲୁଚି ରହିଥିବା ବେଳେ ଆକାଶ ମାର୍ଗରୁ ଟାର୍ଗେଟ କରାଯାଇଥିଲା । ଯୁଦ୍ଧରେ ହମାସକୁ ସମର୍ଥନ ଜଣାଉଥିବା ହିଜବୁଲହା ଆତଙ୍କବାଦୀ ସଙ୍ଗଠନ ଆକ୍ରାମଣାତ୍ମକ ପନ୍ଥା ଆପଣାଉଛି । ହିଜବୁଲହା ଇସ୍ରାଏଲ ଲଗାତର ଧମକ ଦେଇଚାଲିଛି । ସ୍ଥଳଭାଗରେ ହମାସ ବିରୁଦ୍ଧରେ ଯୁଦ୍ଧ କଲେ ଇସ୍ରାଏଲକୁ ବହୁ ମୂଲ୍ୟ ଦେବାକୁ ପଡିବ ବୋଲି ଧମକ ଦେଇଛି ହିଜବୁଲାହ । ଅନ୍ୟପଟେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଯୁଦ୍ଧରେ ପୁଣି ଥରେ ଗାଜା ଜିତିବା ସଂକଳ୍ପକୁ ଦୋହରାଇଛନ୍ତି । ରାତିସାରା ବିଭିନ୍ନ ସ୍ଥାନରେ ହମାସ ଉପରେ ବୋମା ବର୍ଷଣ କରାଯାଉଥିବା ମିଡିଆ ରିପୋର୍ଟସରୁ ଜଣାପଡିଛି ।
