ଭାରତର ପ୍ରଥମ ସୂର୍ଯ୍ୟ ଅଭିଯାନରେ ସେପ୍ଟେମ୍ବର ୨ରେ ଯାଇଥିବା ଆଦିତ୍ୟ ଏଲ୍-୧ ଗତ ୧୮ତାରିଖ ରାତିରେ ପୃଥିବୀକୁ ସମ୍ପୂର୍ଣ୍ଣ ଭାବେ ବିଦାୟ ଜଣାଇଥିବାବେଳେ ଏବେ ସଫଳତାର ସହ ପୃଥିବୀ ଓ ସୂର୍ଯ୍ୟ ମଧ୍ୟସ୍ଥ ଟ୍ରାନ୍ସ-ଲାଗ୍ରାଙ୍ଗିଆନ୍ ପଏଣ୍ଟ-୧ ବା ‘ଟିଏଲ-୧ଆଇ’ ଅଭିମୁଖେ ଆଗେଇ ଚାଲିଛି। ଇତିମଧ୍ୟରେ ଆଦିତ୍ୟ ଏଲ୍-୧ ପୃଥିବୀରୁ ୯ଲକ୍ଷ ୨୦ହଜାର କିଲୋମିଟର ଅତିକ୍ରମଣ କରିସାରିଲାଣି ଏବଂ ପୃଥିବୀର ବାୟୁମଣ୍ଡଳ ପ୍ରଭାବରୁ ସମ୍ପୂର୍ଣ୍ଣ ମୁକ୍ତ ବୋଲି ଶନିବାର ଇସ୍ରୋ ପକ୍ଷରୁ କୁହାଯାଇଛି। ପୃଥିବୀର ପ୍ରଭାବ ସଫଳତାର ସହ ଅତିକ୍ରମ କରିବାରେ ଏହି ମହାକାଶ ଯାନ ଦ୍ବିତୀୟ ବୋଲି ଇସ୍ରୋ କହିଛି। ମଙ୍ଗଳଯାନର ଅର୍ବିଟର ଏ କ୍ଷେତ୍ରରେ ପ୍ରଥମ ଥିଲା। ସୂଚନାଯୋଗ୍ୟ ଯେ ଆଦିତ୍ୟ ଏଲ-୧ ପୃଥିବୀର କକ୍ଷପଥରୁ ୧୫ ଲକ୍ଷ କିଲୋମିଟର ଦୂରରେ ଅବସ୍ଥିତ ସୂର୍ଯ୍ୟ ଅଭିମୁଖେ ୧୧୦ ଦିନିଆ ଯାତ୍ରା ଜାରି ରଖିଛି।
