ଅକ୍ଟୋବର ୧ରୁ ବହୁଚର୍ଚ୍ଚିତ ଶୋ’ ‘ବିଗ୍ ବସ୍-୧୬ ପ୍ରସାରିତ ହେବ । ଏଥିପାଇଁ ଉତ୍ସୁକତାର ସହ ଅପେକ୍ଷା କରିଛନ୍ତି ଦର୍ଶକ । ତେବେ ପୂର୍ବରୁ ଏ ସିଜନ୍ର ପ୍ରଥମ ପ୍ରତିଯୋଗୀ ରୂପେ ଗୌତମ ଭିଗଙ୍କ ନାଁରେ ମୋହର ବାଜିଥିଲାବେଳେ ୨ୟ ପ୍ରତିଯୋଗୀ ଭାବେ ଏଣ୍ଟ୍ରି କରିବେ କାମ୍ନା’ ଅଭିନେତ୍ରୀ ଚାନ୍ଦନୀ ଶର୍ମା ।
ପ୍ରଥମେ ୨୦୧୯ ମସିହାରେ ‘ଡାର୍କଲାଇଟ୍’ ଜରିଆରେ ସେ ଅଭିନୟ କ୍ୟାରିଅର୍ ଆରମ୍ଭ କରିଥିଲେ । ଏହା ପରେ ‘ଇସ୍କ ମେଁ ମର୍ଜାୱାଁ-୨’ରେ ଇଶାନୀ ଭୂମିକାରେ ନଜର ଆସିଥିଲେ । ଧାରାବାହିକ ‘କାମନା’ ଜରିଆରେ ଅଭିଷେକ ରାୱତ ଓ ମାନବ ଗୋହିଲଙ୍କ ଅପୋଜିଟ୍ରେ ସେ ଲିଡ୍ ଲେଡି ଭାବେ ନଜର ଆସିଥିଲେ ।
‘ବିଗ୍ ବସ୍-୧୬’ ଚାନ୍ଦନୀଙ୍କ ପାଇଁ ନିଶ୍ଚିତ ଭାବେ ଗେମ୍ ଚେଞ୍ଜର୍ ହେବ । ତେବେ ଚୂଡ଼ାନ୍ତ ପ୍ରତିଯୋଗୀଙ୍କ ପାଇଁ ଶୋ’ର କୌଣସି ପ୍ରୋମୋ ଏପର୍ଯ୍ୟନ୍ତ ଜାରି ହୋଇନାହିଁ । କିନ୍ତୁ ‘କୁବୁଲ୍ ହୈ’ ନାୟିକା ସୁରଭି ଜ୍ୟୋତି, ‘ଇମ୍ଲି’ ଫେମ୍ ସୁମବୁଲ୍ ତୋକିର ଏବଂ ଟିନା ଦତ୍ତା, ଶ୍ରୀଜିତା ଦେ, ଫିଲ୍ମମେକର୍-ନିର୍ଦ୍ଦେଶକ ସାଜିଦ ଖାନ୍ଙ୍କ ନାଁକୁ ନେଇ ଖୁବ୍ ଚର୍ଚ୍ଚା ହେଉଛି ।
