ବଲିଉଡ ଇଣ୍ଡଷ୍ଟ୍ରିର ବେଶ୍ ପରିଚିତ ନାମରେ ଜଣାଶୁଣା କରଣ ଜୋହର।ଯେମିତି ସୋସିଆଲ ମିଡିଆରେ ତାଙ୍କର ଅନେକ ସଂଖ୍ୟକ ଫ୍ୟାନ୍ ଫଲୋଅର ଅଛନ୍ତି ସେହିପରି ଅନେକ ଟ୍ରୋଲ ମଧ୍ୟ କରନ୍ତି। ସବୁଠି ତାଙ୍କୁ ଥଟ୍ଟା କରୁଥିବା ଦେଖିବାକୁ ମିଳେ । ତେବେ ଏହାରି ମଧ୍ୟରେ ଏକ ବଡ ଖବର ସାମ୍ନାକୁ ଆସିଛିି।ସୋସିଆଲ ମିଡିଆରୁ ବିଦାୟ ନେବାକୁ ମନସ୍ଥ କରିଛନ୍ତି କରଣ ।
ଏଥିପାଇଁ ସେ ଏସବୁରୁ ନିଜକୁ ଦୂରେଇ ରଖିବାକୁ ନିଷ୍ପତ୍ତି ନେଇଛନ୍ତି । କଥାଟି ବିଶ୍ୱାସ ହେଇନିଥିଲେ ବି ସତ । କରଣ ଜୋହରଙ୍କ ସୋସିଆଲ ମିଡିଆ ଛାଡିବା ନେଇ ଚର୍ଚ୍ଚା ହେଉଛନ୍ତି । ଏହି ନିର୍ଦ୍ଦେଶକ ଜଣଙ୍କ ଟ୍ୱିଟରକୁ ବାଏ ବାଏ କରିଛନ୍ତି । କରଣ ତାଙ୍କ ଚାଟ୍ ସୋ ପାଇଁ କ୍ରମାଗତ ଭାବରେ ହେଡଲାଇନରେ ରହିଥା’ନ୍ତି । ଏଥର ତାଙ୍କ ଶୋ’କୁ ଯେତିକି ଭଲପାଇବା ମିଳିଥିଲା ସେତିକି ବିରୋଧ ମଧ୍ୟ ହୋଇଥିଲା । ଅନେକେ ଏହି ଶୋ’କୁ ଶୋଇବା ଘରରୁ ରହସ୍ୟ ଉନ୍ମୋଚନ ସହ ଯୋଡିଥିଲେ । ହେଲେ ଏବେ ଟୁଇଟ୍ କରି କରଣ ଜୋହର ଟ୍ୱିଟରରୁ ବିଦାୟ ନେଇଛନ୍ତି ।
କରଣ ଜୋହର ଟ୍ୱିଟର ଛାଡିବା ପୂର୍ବରୁ ଲେଖିଛନ୍ତି- ‘ମୁଁ ସକରାତ୍ମକ ଶକ୍ତି ପାଇଁ ନିଜକୁ ପ୍ରସ୍ତୁତ କରୁଛି । ଏଥିପାଇଁ ମୁଁ ଏହି ପଦକ୍ଷେପ ନେଉଛି । କରଣଙ୍କ ଏହି ନିଷ୍ପତ୍ତି ପରେ ଟ୍ୱିଟରରେ ଆଲୋଡନ ସୃଷ୍ଟି ହୋଇଛି । ଲୋକମାନେ ଏହି ପଦକ୍ଷେପର ଭିନ୍ନ ଅର୍ଥ ନେଉଛନ୍ତି । କିଛି ଲୋକ ବିଶ୍ୱାସ କରନ୍ତି ଯେ ଟ୍ୱିଟରରେ ତାଙ୍କ ବିରୋଧରେ ଚାଲିଥିବା ଘୃଣାକୁ ଦୃଷ୍ଟିରେ ରଖି କରଣ ଏହି ନିଷ୍ପତ୍ତି ନେଇଛନ୍ତି ।
