ଟିକସଦାତାଙ୍କ ଦ୍ୱାରା ଫର୍ମ ୧୦ଏ/୧୦ଏବି ଫାଇଲ କରିବା ଶେଷ ତାରିଖ ଜୁନ୍ ୩୦ ଯାଏଁ ବୃଦ୍ଧି

ନୂଆଦିଲ୍ଲୀ- କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ ଟିକସଦାତାଙ୍କ ଦ୍ୱାରା ଫର୍ମ ୧୦ ଏ ଏ ଏବଂ ଫର୍ମ ୧୦ ଏବି ଦାଖଲ କରିବାର ସମୟ ସୀମାକୁ ଜୁନ୍ ୩୦ ପର୍ଯ୍ୟନ୍ତ ବୃଦ୍ଧି କରିଛି। ସିବିଡିଟି ସୂଚନା ଅନୁଯାୟୀ, ଯେ ଯଦି ଏଭଳି କୌଣସି ବିଦ୍ୟମାନ ଟ୍ରଷ୍ଟ କିମ୍ବା ପାଣ୍ଠି ଆକଳନ ବର୍ଷ ୨୦୨୨-୨୩ ପାଇଁ ଫର୍ମ ୧୦ଏ ଦାଖଲ କରିବାରେ ବିଫଳ ହୋଇଛି, ତେବେ ସେମାନେ ଫର୍ମ ୧୦ଏସିକୁ ସମର୍ପଣ କରି ଏୱାଇ ୨୦୨୨-୨୩ ପାଇଁ ପଞ୍ଜୀକରଣ ପାଇଁ ଆବେଦନ କରିବାର ଏହି ସୁଯୋଗର ଲାଭ ଉଠାଇ ପାରିବେ। ସିବିଡିଟିକୁ ମିଳିଥିବା ଅନୁରୋଧ ପରେ ଏହି ତାରିଖ ବୃଦ୍ଧି କରାଯାଇଛି।
ସିବିଡିଟି ଏହା ମଧ୍ୟ ସ୍ପଷ୍ଟ କରିଛି ଯେ ଯେଉଁ ଟ୍ରଷ୍ଟ, ଅନୁଷ୍ଠାନ କିମ୍ବା ପାଣ୍ଠିଗୁଡିକର ପୁନଃ ପଞ୍ଜୀକରଣ ପାଇଁ ଆବେଦନ କେବଳ ଭୁଲ ଧାରା କୋଡ୍ ଅଧୀନରେ ବିଳମ୍ବରେ ଦାଖଲ କିମ୍ବା ଫାଇଲିଂ କାରଣରୁ ଖାରଜ ହୋଇଛି ସେମାନେ ମଧ୍ୟ ବର୍ଦ୍ଧିତ ସମୟସୀମା ମଧ୍ୟରେ ଫର୍ମ ୧୦ଏବିରେ ନୂତନ ଆବେଦନ ଦାଖଲ କରିପାରିବେ।