ଅଭିନେତା ସୈଫ ଅଲି ଖାନଙ୍କ ଆକ୍ରମଣକାରୀ ଜଣେ ବାଂଲାଦେଶୀ। ଏଭଳି ଚାଞ୍ଚଲ୍ୟକର ତଥ୍ୟ ହାସଲ କରିଛି ପୁଲିସ। ଅଭିଯୁକ୍ତର ପ୍ରକୃତ ନାମ ମହମ୍ମଦ ସରିଫୁଲ ସଜ୍ଜାଦ। ସେ ୫ରୁ ୬ ମାସ ହେବ ମୁମ୍ବଇରେ ବିଜୟ ଦାସ ନାମରେ ରହୁଥିଲା ବୋଲି ମୁମ୍ବଇ ଜୋନ-୯ ଡିସିପି ରବିବାର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଯାଞ୍ଚ ବେଳେ ତା’ ନିକଟରେ କୌଣସି ବୈଧ ଭାରତୀୟ କାଗଜପତ୍ର ନ ଥିବା ପୁଲିସ କହିଛି। ଚୋରି କରିବାକୁ ହିଁ ସେ ସୈଫଙ୍କ ଘରେ ପଶିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।
