ଚଳନ୍ତା ବସରେ କଲେଜ ଛାତ୍ରୀଙ୍କୁ ଅସଦାଚରଣ

ସୂଚନା ଅନୁଯାୟୀ,ଆଜି ବ୍ୟାସନଗର ସ୍ଥିତ ସାପଗଡ଼ିଆ ଅଞ୍ଚଳର ଜଣେ ଝିଅ ଚଣ୍ଡିଖୋଲର ଗୋଟିଏ କଲେଜରେ କ୍ଲାସ ସାରି କଟକ – ଯାଜପୁର ଏକ ଘରୋଇ ବସରେ ଫେରୁଥିବା ସମୟରେ ଜଣେ ଯୁବକ ତାଙ୍କୁ ବସ ଭିତରେ ବାରମ୍ବାର ଅସଦାଚରଣ କରିଥିଲା । ଏ ସମ୍ପର୍କରେ ଛାତ୍ରୀ ଜଣଙ୍କ ପ୍ରଥମେ ବସର ଡ୍ରାଇଭର ଓ ହେଲ୍ପରଙ୍କୁ ଜଣାଇଥିଲେ। । ଏହାପରେ ସେମାନେ ସଂପୃକ୍ତ ଯୁବକଙ୍କୁ ବସ ଭିତରେ ପ୍ରବଳ ମାଡ଼ ମାରି ବସରୁ ବାହାର କରି ଦେଇଥିଲେ।

ଏହାପରେ ଛାତ୍ରୀ ଜଣଙ୍କ ଘଟିଯାଇଥିବା ସମସ୍ତ ଘଟଣାବଳୀକୁ ତାଙ୍କ ବାପାଙ୍କୁ ଫୋନ୍ ଯୋଗେ ଜଣାଇଥିଲେ। ବାପାଙ୍କ ପାଖରେ ଖବର ପହଞ୍ଚିବା ପରେ ସେ ତୁରନ୍ତ ବ୍ୟାସନଗର ସ୍ଥିତ ବସଷ୍ଟାଣ୍ଡ ନିକଟରେ ପହଞ୍ଚି ଯାଜପୁର ରୋଡ ପୁଲିସକୁ ଖବର ମଧ୍ୟ ଦେଇଥିଲେ। ଯାଜପୁର ରୋଡ ପୁଲିସର ଗୋଟିଏ ଟିମ୍‌ ଛାତ୍ରୀ ଓ ତାଙ୍କ ବାପାଙ୍କ ପାଖରୁ ସମସ୍ତ କଥା ଶୁଣିଥିଲା। ଏଥିସହ ଛାତ୍ରୀଙ୍କ ପରିବାର ପକ୍ଷରୁ ଦିଆଯାଇଥିବା ଏତଲାକୁ ଗ୍ରହଣ କରିଥିଲା। ଏହାପରେ ପୁଲିସ ଟିମ୍‌ ଅସଦାଚରଣ କରିଥିବା ଯୁବକଙ୍କୁ ଚିହ୍ନଟ କରି ତାକୁ ଥାନାକୁ ଆଣିଥିଲା । ବସର କର୍ମଚାରୀଙ୍କୁ ମଧ୍ୟ ଥାନାକୁ ଡକାଇ ଯାଜପୁର ରୋଡ ପୁଲିସ ଅଧିକ ପଚାର ଉଚୁରା କରୁଥିବାସୂଚନା ମିଳିଛି ।