ନୂଆଦିଲ୍ଲୀ- କୋଲକାତାରେ ଟ୍ରେନି ଡାକ୍ତରାଣୀଙ୍କୁ ଦୁଷ୍କର୍ମ ଓ ହତ୍ୟା ଘଟଣା ପରେ ଡାକ୍ତରଙ୍କ ସୁରକ୍ଷା ଲାଗି ଗଠନ ହୋଇଛି ନ୍ୟାସନାଲ ଟାସ୍କଫୋର୍ସ। ସୁପ୍ରିମକୋର୍ଟଙ୍କ ନୀରିକ୍ଷଣରେ ୧୦ଜଣିଆ ଟାସ୍କଫୋର୍ସ ଗଠନ କରାଯାଇଛି। ସିନିଅର ଓ ଜୁନିଅର ଡାକ୍ତରଙ୍କ ସୁରକ୍ଷାୂ ପାଇଁ ପରାମର୍ଶ ଦେବ ଟାସ୍କଫୋର୍ସ। ଡାକ୍ତରଙ୍କ ସୁରକ୍ଷା ପାଇଁ ସାରା ଦେଶରେ କି କାର୍ଯ୍ୟପନ୍ଥା ହେବ ସେନେଇ ପରାମର୍ଶ ଦେବ। ଏହି ଟାସ୍କ ଫୋର୍ସ ତିନି ସପ୍ତାହରେ ଅନ୍ତରୀଣ ରିପୋର୍ଟ ପ୍ରଦାନ କରିବେ। ୨ମାସରେ ଅନ୍ତିମ ରିପୋର୍ଟ ପ୍ରଦାନ କରିବେ ଟାସ୍କଫୋର୍ସ। ଏହି ଟାସ୍କଫୋର୍ସରେ ଅଛନ୍ତି ଏମ୍ସର ନିର୍ଦ୍ଦେଶକ ଡା ଏମ୍ ଶ୍ରୀନିବାସ, ଡା ଡି ନାଗେଶ୍ୱର ରେଡ୍ଡୀ, ଏମ୍ସ ଯୋଧପୁରର ଡା ଗୋବର୍ଦ୍ଧନ ଦତ୍ତ ପୁରୀ, ଡା ପ୍ରତିମା ମୂର୍ତ୍ତି, ପ୍ରଫେସର ଅନୀତା ସକସେନା, ଡା ପଦ୍ମା ଶ୍ରୀବାସ୍ତବ, ଡା ସୋମିକ୍ରା ପଲ୍ଲବୀ ସୈପଲେ ସାମିଲ ହୋଇଥିବା ବେଳେ ଆଡମିରାଲ ଆର ସରିନ୍ ସଦସ୍ୟ ରହିଛନ୍ତି।
