ଶ୍ରୀଲଙ୍କାରେ ଷ୍ଟେଟ ବ୍ୟାଙ୍କର ନୂଆ ଶାଖାର ଉଦଘାଟନ କଲେ ନିର୍ମଳା ସୀତାରମଣ

ନୂଆଦିଲ୍ଲୀ-କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତରମଣ ଗୁରୁବାର ଦିନ ଶ୍ରୀଲଙ୍କାର ତ୍ରିକୋମାଲିରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ନୂଆ ଶାଖାର ଉଦଘାଟନ କରିଛନ୍ତି । ଏହି ଅବସରରେ ପୂର୍ବୀ ପ୍ରାନ୍ତର ଗଭର୍ଣ୍ଣର ସେନ୍ଥିଲ ଥୋଣ୍ଡାମନ, ଶ୍ରୀଲଙ୍କାରେ ଭାରତର ଉଚ୍ଚାୟୁକ୍ତ ଗୋପାଳ ବଗାଲେ ଓ ଏସବିଆଇ ଅଧ୍ୟକ୍ଷ ଦିନେଶ ଖାରା ପ୍ରମୁଖ ଉପସ୍ଥିତ ଥିଲେ ।
ଅର୍ଥ ମନ୍ତ୍ରାଳୟ ପକ୍ଷରୁ ସୋସିଆଲ ମିଡିଆ ଏକ୍ସରେ କୁହାଯାଇଛି ଯେ, କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତରମଣ ଶ୍ରୀଲଙ୍କା ନିଜର ଅଫିସିଆଲ ଯାତ୍ରାରେ ତ୍ରିକୋମାଲିରେ ଭାରତୀୟ ଷ୍ଟେଟ ବ୍ୟାଙ୍କର ଶାଖା ଉଦଘାଟନ କରିଛନ୍ତି । ଏହି ଅବସରରେ ସେ ଶାଖାର ଅଧିକାରୀଙ୍କ ସହ ଆଲୋଚନା କରିଛନ୍ତି । ଏହା ସହିତ ତ୍ରିକୋମାଲିରେ ଆଗନ୍ତୁକ ପୁସ୍ତିକ ଭରିବା ସହ ନୂଆ ଗ୍ରାହକଙ୍କୁ ପାସବୁକ୍ ପ୍ରଦାନ କରିଥିଲେ ।