ଭାରତୀୟ କ୍ରିକେଟ ଟିମର ଅଧିନାୟକ ବିରାଟ କୋହଲି ଏବଂ ପତ୍ନୀ ଅନୁଷ୍କା ଶର୍ମା ନୂଆ ବର୍ଷ ୨୦୨୧କୁ ହାର୍ଦ୍ଧିକ ପାଣ୍ଡ୍ୟା ଏବଂ ତାଙ୍କ ପତ୍ନୀ ନତାସା ଷ୍ଟାଙ୍କୋଭିକ୍ ସହ ସ୍ବାଗତ କରିଛନ୍ତି । କୋହଲି ତାଙ୍କ ଇନଷ୍ଟାଗ୍ରାମରେ ଏହାର ଏକ ଫଟୋ ସେୟାର କରିଛନ୍ତି । ୨ କ୍ରିକେଟର ଏବଂ ତାଙ୍କ ପତ୍ନୀ ସହ ତାଙ୍କର କିଛି ବନ୍ଧୁ ଏକ ଡାଇନିଂ ଟେବୁଲରେ ବସିଥିବାର ଫଟୋ ସେୟାର କରିଛନ୍ତି କୋହଲି ।ଅନୁଷ୍କା ଏକ କଳା ଏବଂ ସୁନେଲୀ ରଙ୍ଗର ଡ୍ରେସ୍ ପିନ୍ଧିଥିବାର ଦେଖିବାକୁ ମିଳିଛି । ଏହା ସହ ହାର୍ଦ୍ଧିକ ପାଣ୍ଡ୍ୟା ମଧ୍ୟ ସେହି ସମାନ ଫଟୋକୁ ନିଜ ଇନଷ୍ଟାଗ୍ରାମ ପେଜ୍ରେ ସେୟାର କରିଛନ୍ତି ।
ସେ କ୍ୟାପସନ୍ରେ ଲେଖିଛନ୍ତି, ନୂଆ ବର୍ଷକୁ ବନ୍ଧୁମାନଙ୍କ ସହ ସ୍ବାଗତ । ଏହା ସହ ନୂଆ ବର୍ଷର ଶୁଭେଚ୍ଛା ମଧ୍ୟ ଜଣାଇଛନ୍ତି ହାର୍ଦ୍ଧିକ ।ଚଳିତ ଜାନୁୟାରୀରେ ଅନୁଷ୍କା ଏବଂ ବିରାଟ ମାତା-ପିତା ହେବା ନେଇ ଆଶାବାଦୀ ଅଛନ୍ତି । ନିକଟରେ ଅନୁଷ୍କା ଶର୍ମା ଏକ ଫ୍ୟାଶନ ମାଗାଜିନ ସହିତ ମାତୃତ୍ୱ ଫଟୋ ସୁଟ୍ କରିଥିବା ନଜର ଆସିଥିଲେ । ସେ ପ୍ରଥମେ ଲକଡାଉନ୍ ସମୟରେ ଗର୍ଭବତୀ ଥିବା ଜାଣିବାକୁ ପାଇଥିଲେ କିନ୍ତୁ କରୋନାଭାଇରସ୍ ଲକଡାଉନ କାରଣରୁ ସେ ଏହାକୁ ସର୍ବସମ୍ମୁଖରେ ପ୍ରକାଶ କରିନଥିଲେ । ପରେ ସେ ଏହାକୁ ସମସ୍ତଙ୍କ ସହ ସେୟାର କରିଥିଲେ । କ୍ରିକେଟ୍ ସିରିଜ ଚାଲୁ ରହିଥିବା ବେଳେ ଭାରତୀୟ ଦଳ ଏବେ ଅଷ୍ଟ୍ରେଲିଆ ଗସ୍ତରେ ଅଛି । ପ୍ରଥମ ଟେଷ୍ଟ ପରେ ବିରାଟ କୋହଲି ପିତୃତ୍ବ ଅବକାଶ ପାଇଁ ଭାରତ ଫେରିଛନ୍ତି ବିରାଟ କୋହଲି ।
