ନୂଆଦିଲ୍ଲୀ: ଭୟଙ୍କର ସଡକ ଦୁର୍ଘଟଣା। ଭାରସାମ୍ୟ ହରାଇ କେନାଲକୁ ଖସିଲା ଯାତ୍ରୀବାହୀ ବସ୍। ଘଟଣାସ୍ଥଳରେ ହିଁ ମୃତ୍ୟୁବରଣ କରିଛନ୍ତି ୨୨ ଯାତ୍ରୀ। ଏଥିସହ ଅନେକ ଯାତ୍ରୀ ଗୁରୁତର ଆହତ ହୋଇଛନ୍ତି। ଏଭଳି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଇଜିପ୍ଟରେ।
ଏହି ବାସ୍ରେ ମୋଟ ୪୬ ଜଣ ଯାତ୍ରୀ ଥିଲେ। ଯାତ୍ରୀଙ୍କ ମଧ୍ୟରେ ଛାତ୍ରଛାତ୍ରୀଙ୍କ ଏକ ଟିମ୍ ମଧ୍ୟ ସାମିଲ ଥିଲା। ବସ୍ଟି ସମସ୍ତ ଯାତ୍ରୀଙ୍କୁ ନେଇ ଉତ୍ତର ଦକାହଲିଆ ଯାଉଥିଲା। ତେବେ ଅଧା ରାସ୍ତାରେ ଭାରସାମ୍ୟ ହରାଇ ଏହା କେନାଲକୁ ଖସି ପଡିଥିଲା। ମୃତକଙ୍କ ମଧ୍ୟରେ ୬ ଜଣ ମହିଳା ଥିବା ବେଳେ ୩ ଜଣ ଛୋଟ ପିଲା ଥିବା ସୂଚନାମିଳିଛି।
ଏହି ଦୁର୍ଘଟଣାକୁ ନେଇ ଇଜିପ୍ଟ ଦୁଃଖ ପ୍ରକାଶ କରିଛନ୍ତି। ଏଥିସହ ମୃତକଙ୍କ ପରିବାରକୁ ସମବେଦନା ମଧ୍ୟ ଜଣାଇଛନ୍ତି। ମୃତକଙ୍କ ପରିବାରକୁ ଏକ ଲକ୍ଷ ପାଉଣ୍ଡ ଓ ଗୁରୁତର ୨୫ ହଜାର ଓ ସାମାନ୍ୟ ଆହତଙ୍କୁ ୫ ହଜାର ପାଉଣ୍ଡ ଅନୁକମ୍ପା ରାଶି ମଧ୍ୟ ଘୋଷଣା କରିଛନ୍ତି ସରକାର।
