ନିର୍ବାଚନ ପରେ ମହଙ୍ଗା ପଡିବ ପେଟ୍ରୋଲ୍ ଓ ଡିଜେଲ ଦର

ନୂଆଦିଲ୍ଲୀ: ନିର୍ବାଚନ ପରେ ପେଟ୍ରୋଲ୍ ଓ ଡିଜେଲର ଦାମ୍ ପୁଣି ମହଙ୍ଗା ପଡିପାରେ । ବର୍ତ୍ତମାନ  ପାଞ୍ଚଟି ରାଜ୍ୟରେ ବିଧାନସଭା ନିର୍ବାଚନ ହେବାକୁ ଥିବାରୁ ଦରଦାମ୍ ବୃଦ୍ଧିକୁ ଅଟକ ରଖାଯାଇଛି । ନିର୍ବାଚନ ଶେଷ ହେବାପରେ ପେଟ୍ରୋଲ୍ ଓ ଡିଜେଲର ଦାମ୍‌ ପୁଣି ବଢ଼ିବପାରେ । ପୁଣିଥରେ ତୈଳ ଦାମକୁ ନେଇ ହନ୍ତସନ୍ତ ହେବେ ସାଧାରଣ ଲୋକେ । ପେଟ୍ରୋଲ ଡିଜେଲ ଦର ବୃଦ୍ଧିର ମୁଖ୍ୟ କାରଣ ହେଉଛି ଆନ୍ତର୍ଜାତିକ ବଜାରରେ ଅଶୋଧିତ ତୈଳର ବ୍ୟାରିଲ ପିଛା ଦାମ୍ ୯୩ ଡଲାର ହୋଇଯାଇଛି । ଦୁଇ ପ୍ରମୁଖ ତୈଳ ଉତ୍ପାଦନକାରୀ ରାଷ୍ଟ୍ର ରୁଷିଆ ଓ ୟୁକ୍ରେନ ମଧ୍ୟରେ ଉତ୍ତେଜନା ଲାଗି ରହିଥିବାରୁ ଏହାର ପ୍ରଭାବ ସିଧାସଳଖ ତୈଳ ବଜାର ଉପରେ ପଡ଼ୁଛି ଓ ତୈଳ ଯୋଗାଣ ହ୍ରାସ ପାଇବାରେ ଲାଗିଛି । ତେଣୁ ତେଲ କଂପାନିଗୁଡ଼ିକ କମ୍ ଦାମ୍‌ରେ ତେଲ ବିକି ଏବେ ଯେଉଁ କ୍ଷତି ସହୁଛନ୍ତି ତାହାକୁ ସେମାନେ ଦରବୃଦ୍ଧି ଜରିଆରେ ଭରଣା କରିବାକୁ ପ୍ରୟାସ କରିବେ  ।