କାଲି ସିଓପି-28 ଶିଖର ସମ୍ମିଳନୀକୁ ସମ୍ବୋଧିତ କରିବେ ପିଏମ ମୋଦି

ନୂଆଦିଲ୍ଲୀ- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସିଓପି -28 ବିଶ୍ୱ ଜଳବାୟୁ ଶିଖର ସମ୍ମିଳନୀରେ ଯୋଗ ଦେବା ପାଇଁ ଆଜି ସନ୍ଧ୍ୟାରେ ଦୁବାଇ ଗସ୍ତ କରିବେ ଏବଂ କାଲି ସନ୍ଧ୍ୟାରେ ସ୍ୱଦେଶ ପ୍ରତ୍ୟାବର୍ତ୍ତନ କରିବେ । ଏହି ଅବସରରେ ସେଠାରେ ଶିଖର ସମ୍ମିଳନୀର ପ୍ରାରମ୍ଭିକ ଅଧିବେଶନକୁ ସମ୍ବୋଧିତ କରିବେ ପିଏମ । ଏବଂ ତିନୋଟି ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମରେ ଅଂଶଗ୍ରହଣ କରିବେ ଯେଉଁଥିରୁ ଦୁଇଟିରେ ଭାରତ ସହ ଆୟୋଜକ ଅଟେ । ବୈଦେଶିକ ସଚିବ ବିନୟ ମୋହନ କ୍ୱାତ୍ରା ଏନେଇ ସୂଚନା ଦେଇଛନ୍ତି । ପରିବେଶକୁ ହେଉଥିବା କ୍ଷତିକୁ ରୋକିବା ପାଇଁ ଜଳବାୟୁ ସଂକ୍ରାନ୍ତୀୟ ବିଶ୍ୱ ସମୁଦାୟର ପ୍ରୟାସର ଏହା ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ । ଏହି ସିଓପି-28 ଜଳବାୟୁ ସଂକ୍ରାନ୍ତୀୟ ସମ୍ମିଳନୀରେ ଏକ ସ୍ପଷ୍ଟ ରୋଡମ୍ୟାପ ଉପରେ ସହମତି ପ୍ରକାଶ ପାଇବ ବୋଲି ଭାରତ ପକ୍ଷରୁ ଆଶା କରାଯାଉଛି ।