ସ୍ୱର୍ଗତ ପୁନୀତ ରାଜକୁମାରଙ୍କୁ ମରଣୋତ୍ତର ‘କର୍ଣ୍ଣାଟକ ରତ୍ନ’ ପୁରଷ୍କାର
କର୍ଣ୍ଣାଟକ ସରକାର ଚଳିତବର୍ଷ ରାଜ୍ୟ ସ୍ଥାପନା ଦିବସ ଅବସରରେ ସ୍ୱର୍ଗତ କନ୍ନଡ ଫିଲ୍ମ ଷ୍ଟାର ପୁନୀତ ରାଜକୁମାରଙ୍କୁ ମରଣୋତ୍ତର ‘କର୍ଣ୍ଣାଟକ ରତ୍ନ’ ପୁରସ୍କାର ପ୍ରଦାନ କରିବାକୁ ଘୋଷଣା କରାଯାଇଛି। ମୁଖ୍ୟମନ୍ତ୍ରୀ ବସବରାଜ ବୋମ୍ମାଇ ଏହାକୁ ନେଇ ଘୋଷଣା କରିଛନ୍ତି, ‘ ନଭେମ୍ବର ୧ ତାରିଖରେ ପୁନୀତ ରାଜକୁମାରଙ୍କୁ ଏହି ପୁରସ୍କାର ଦେବାକୁ ନିଷ୍ପତ୍ତି ନେଇଛନ୍ତି। ଲାଲବାଗ ଗ୍ଲାସ ହାଉସରେ ସ୍ୱତନ୍ତ୍ରତା ଦିବସ ଫ୍ଲାଓ୍ଵର ଶୋ ଉଦ୍ଘାଟନ କରିବା ପରେ ମିଡିଆକର୍ମୀଙ୍କୁ ଏହି ସୂଚନା ଦେଇଛନ୍ତି। ମୁଖ୍ୟମନ୍ତ୍ରୀ କହିଛନ୍ତି, ‘ଡ. ରାଜକୁମାରଙ୍କ ପରିବାର ସଦସ୍ୟଙ୍କୁ ସମିତିର ସଦସ୍ୟ ରୂପେ ସାମିଲ କରାଯିବ। ପୁନୀତଙ୍କୁ ମରଣୋତ୍ତର ପୁରସ୍କାରକୁ ଗରିମାପୂର୍ଣ୍ଣ ଭାବେ ପ୍ରଦାନ କରାଯିବ। ପୁନୀତ ରାଜକୁମାରଙ୍କର ୨୯ ଅକ୍ଟୋବର ୨୦୨୧ରେ ନିଧନ ହୋଇଥିଲା। ମାତ୍ର ୪୬ ବର୍ଷ ବୟସରେ ହୃଦଘାତର ଶିକାର ହୋଇଥିଲେ। ଏହି ଗ୍ଲାସ ହାଉସରେ ହୋଇଥିବା ଫ୍ଲାଓ୍ଵର ଶୋରେ ଡ. ରାଜକୁମାର ଏବଂ ପୁନୀତ ରାଜକୁମାରଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା। ୧୯୨୨ରୁ ପ୍ରତିବର୍ଷ ଏହି ଶୋ ସମସ୍ତଙ୍କୁ ଆକର୍ଷିତ କରୁଛି। ଚଳିତବର୍ଷ ମଧ୍ୟ ସେପରି ହେବ। ଚଳିତବର୍ଷ ସମଗ୍ର ଦେଶ ଆଜାଦୀ କା ଅମୃତ ମହୋତ୍ସବ ପାଳନ କରୁଛି। ଯାହାଦ୍ୱାରା ମାତ୍ର ୧୦ ଦିନରେ ଲକ୍ଷ ଲକ୍ଷ ଲୋକ ଆକର୍ଷିତ ହୋଇପାରିଛନ୍ତି। ସୂଚନାନୁଯାୟୀ, କନ୍ନଡ ସୁପରଷ୍ଟାର ପୁନୀତ୍ ରାଜକୁମାର ୪୬ ବର୍ଷ ବୟସରେ ହୃଦଘାତରେ ମୃତ୍ୟୁ ବରଣ କରିଥିଲେ। ପରଲୋକରେ ସମଗ୍ର କର୍ଣ୍ଣାଟକ ସହିତ ଦେଶରେ ଶୋକର ଛାୟା ଖେଳିଯାଇଥିଲା। ଅଭିନେତା ପୁନୀତ୍ ତାଙ୍କ ବାପାଙ୍କ ପରି ଆଖି ଦାନ କରିଥିଲେ।
