ଅଭିନେତା ତଥା ଡିଏମଡିକେ ପ୍ରତିଷ୍ଠାତା ବିଜୟକାନ୍ତଙ୍କ ବିୟୋଗରେ ପ୍ରଧାନମନ୍ତ୍ରୀଙ୍କ ଶୋକ

ନୂଆଦିଲ୍ଲୀ, 28 ଡିସେମ୍ବର – ଦକ୍ଷିଣ ଭାରତର ସୁପରଷ୍ଟାର ତଥା ଡିଏମଡିକେ ପ୍ରତିଷ୍ଠାତା ବିଜୟକାନ୍ତଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ନେତା ଶୋକ ବ୍ୟକ୍ତ କରିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ସୋସିଆଲ ମିଡିଆ ଏକ୍ସରେ ନିଜ ବାର୍ତ୍ତାରେ କହିଛନ୍ତି, ‘ଥିରୁ ବିଜୟକାନ୍ତଜୀଙ୍କ ବିୟୋଗ ଯୋଗୁ ଅତ୍ୟନ୍ତ ଦୁଃଖପ୍ରକାଶ କରୁଛି । ତାମିଲ ଫିଲ୍ମ ଜଗତର ଜଣେ ଦିଗ୍ଗଜ, ତାଙ୍କ କରିସ୍ମା ପ୍ରଦର୍ଶନ କରି ଲକ୍ଷ ଲକ୍ଷ ଲୋକଙ୍କ ହୃଦୟ ଜିତିଥିଲେ । ଜଣେ ରାଜନେତା ଭାବେ ସେ ସାର୍ବଜନୀନ ସେବା ପ୍ରତି ଗଭୀର ଭାବେ ପ୍ରତିବଦ୍ଧ ଥିଲେ । ଯିଏକି ତାମିଲନାଡୁର ରାଜନୈତିକ ପରିଦୃଶ୍ୟରେ ଗଭୀର ପ୍ରଭାବ ଛାଡିଥିଲେ । ତାଙ୍କ ମୃତ୍ୟୁରେ ଅପୂରଣନୀୟ ଶୂନ୍ୟସ୍ଥାନ ସୃଷ୍ଟି ହୋଇଛି । ସେ ଜଣେ ଘନିଷ୍ଠ ମିତ୍ର ଥିଲେ ଏବଂ ତାଙ୍କ ସହ କରିଥିବା କଥାବାର୍ତ୍ତାଙ୍କୁ ସ୍ମରଣ କରୁଛି । ଏହି ଦୁଃଖ ସମୟରେ ମୋର ସମବେଦନା ତାଙ୍କ ପରିବାର, ପ୍ରଶଂସକ ଓ ଅସଂଖ୍ୟା ଫ୍ୟାନଙ୍କ ସହିତ ରହିଛି । ଓମ୍ ଶାନ୍ତି ’।