ଆଜି ବାରଣାସୀ ଗସ୍ତରେ ଯିବେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ

ବାରଣାସୀ ଗସ୍ତରେ ଯିବେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଉତ୍ତରପ୍ରଦେଶ ବିଧାନସଭା ନିର୍ବାଚନର ଶେଷ ପର୍ଯ୍ୟାୟ ମତଦାନ ପାଇଁ ଆଜି ବାରଣାସୀରେ ରୋଡ ଶୋ କରିବେ ପ୍ରଧାନ ମନ୍ତ୍ରୀ । ବାରାଣାସୀର ମଲଦହିୟା ଠାରୁ ଆରମ୍ଭ କରି ଗୋଡୌଲିଆ ପର୍ଯ୍ୟନ୍ତ ଏହି ରୋଡ ଶୋ ହେବ।

ଆସନ୍ତା ୭ରେ ହେବ ଉତ୍ତରପ୍ରଦେଶ ବିଧାନସଭା ନିର୍ବାଚନର ସପ୍ତମ ବା ଶେଷ ପର୍ଯ୍ୟାୟ ମତଦାନ।  ଏହି ପରିପ୍ରେକ୍ଷୀରେ ଆଉ ଦୁଇ ଦିନ ପ୍ରଚାର କରିପାରିବେ ପ୍ରାର୍ଥୀ। ତେଣୁ ଆଜି ପ୍ରଧାନମନ୍ତ୍ରୀ ମୋଦୀ ବାରାଣାସୀ ଗସ୍ତରେ ଆସି ରୋଡ ଶୋ କରିବାର କାର୍ଯ୍ୟକ୍ରମ ରହିଛି। ମଲଦହିୟାରେ ଥିବା ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ରୋଡ ଶୋ ଆରମ୍ଭ କରିବେ। ତେବେ ଏହି ଦୁଇଦିନ ମୋଦୀ ବାରାଣାସୀରେ ରହିବାର ବନ୍ଦବୋସ୍ତ କରାଯାଇଛି ।