ଓ୍ବାୟନାଡ଼ ଲୋକସଭାରୁ ନିର୍ବାଚିତ ହୋଇଥିବା ପ୍ରିୟଙ୍କା ଗାନ୍ଧୀ ଭଦ୍ରା ଗୁରୁବାର ଲୋକସଭାରେ ସାଂସଦ ଭାବେ ଶପଥ ଗ୍ରହଣ କରିଛନ୍ତି। ଶପଥଗ୍ରହଣ ସମୟରେ ସେ ହାତରେ ସମ୍ବିଧାନ ପୁସ୍ତକ ଧରିଥିବା ଦେଖିବାକୁ ମିଳିଥିଲା। ତେବେ ସଂସଦକୁ ଆସିବା ସମୟରେ ତାଙ୍କ ସହିତ ଭାଇ ରାହୁଲ ଗାନ୍ଧୀ ଏବଂ ମା’ ତଥା ରାଜ୍ୟସଭା ସଦସ୍ୟ ସୋନିଆ ଗାନ୍ଧୀ ବି ଉପସ୍ଥିତ ଥିଲେ। ପ୍ରଥମ ଥର ଲାଗି ସୋନିଆ, ରାହୁଲ ଏବଂ ପ୍ରିୟଙ୍କାଙ୍କୁ ସଂସଦରେ ଦେଖିବାକୁ ମିଳିଥିଲା।
ପ୍ରିୟଙ୍କା ଗାନ୍ଧୀ ଓ ନାନ୍ଦେଡରୁ ଚୟନ ହୋଇ ଆସିଥିବା ରବୀନ୍ଦ୍ର ଚୌହ୍ୱାଣ ଶପଥ ନେଇଥିଲେ । ପ୍ରିୟଙ୍କା ହିନ୍ଦୀରେ ଓ ରବୀନ୍ଦ୍ର ମରାଠୀରେ ଶପଥ ନେଇଥିଲେ ।
