ଇସଲମାବାଦ, 28 ଫେବ୍ରୁଆରି – ଦୀର୍ଘ ଦିନ ଧରି ଦେଶର ଆଦିୟାଲା ଜେଲରେ ରହିଥିବା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଦଳ “ପାକିସ୍ତାନ-ତେହେରିକ-ଇ-ଇନସାଫ” (ପିଟିଆଇ) ସମ୍ପ୍ରତି ନିର୍ବାଚନ ଫଳାଫଳକୁ ନେଇ ଠକେଇ କରାଯାଇଥିବା ଅଭିଯୋଗରେ ରାସ୍ତାକୁ ଓହ୍ଲାଇବ । ମାର୍ଚ୍ଚ 2 ତାରିଖରେ ପାର୍ଟି ମୁଖ୍ୟ ଇମ୍ରାନ ଖାନଙ୍କ ଆହ୍ୱାନରେ ପିଟିଆଇ ଦେଶବ୍ୟାପୀ ବିରୋଧ ପ୍ରଦର୍ଶନ କରିବା ନେଇ ଘୋଷଣା କରିଛି।
ପ୍ରମୁଖ ଖବରକାଗଜ ଡନ୍ ଅନୁଯାୟୀ ରାଜଧାନୀରେ ଏକ ସାମ୍ବାଦିକ ସମ୍ମିଳନୀରେ ପିଟିଆଇ ନେତା ଶେର ଆଫଜାଲ ମାରୱାତ ଏହି ଘୋଷଣା କରିଛନ୍ତି। ଏହି ସମୟ ମଧ୍ୟରେ ଦଳର ଅନ୍ୟ ନେତାମାନେ ମଧ୍ୟ ଉପସ୍ଥିତ ଥିଲେ। ମାରୱାତ ସମସ୍ତ ଗଣତାନ୍ତ୍ରିକ ଶକ୍ତିକୁ ସହଯୋଗ କରିବାକୁ ଅନୁରୋଧ କରିଛନ୍ତି। ସେ କହିଛନ୍ତି ଯେ ପିଟିଆଇ ବାଲୁଚିସ୍ତାନର ପ୍ରାର୍ଥୀଙ୍କୁ ସମର୍ଥନ କରିଛି ଏବଂ ଦଳର ଅନ୍ୟ ବରିଷ୍ଠ ନେତାମାନେ ଚାପରେ ପରାସ୍ତ ହୋଇଛନ୍ତି। ପିଟିଆଇ ପ୍ରାର୍ଥୀଙ୍କ ବିଜୟ ରାତାରାତି ପରାଜୟରେ ପରିଣତ ହୋଇଥିଲା ।
