ଗତ କିଛି ଦିନ ହେବ ଶିବାଙ୍ଗୀ ଯୋଶୀ ଏବଂ ରଣଦୀପ ରାୟ ଉଭୟ ଡେଟିଂ କରୁଥିବା ଖବର ଚର୍ଚ୍ଛା ହେଉଥିଲା । ଦୁହେଁ ‘ବାଲିକା ବଧୁ- ୨’ରେ ଏକାଠି କାମ କରିଥିଲେ । ତେବେ ନିକଟରେ ଦୁହେଁଙ୍କୁ ଏକ ଜନ୍ମଦିନ ପାର୍ଟିରେ ଦେଖିବାକୁ ମିଳିଥିଲା । ଏହାପରେ ଉଭୟଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା । ବର୍ତ୍ତମାନ ଏନେଇ ମୁହଁ ଖୋଲିଛନ୍ତି ଶିବାଙ୍ଗୀ ଯୋଶୀ ଏବଂ ରଣଦୀପ ରାୟ ।
ETimesର ଦାବି ଅନୁଯାୟୀ, ଏହା ଏକ ସୁତ୍ରରୁ ପ୍ରକାଶ କି ଦୁହିଁଙ୍କ ସମ୍ପର୍କ ନିଶ୍ଚିତ। ଦୁହେଁ ପ୍ରେମ ସମ୍ପର୍କରେ ଅଛନ୍ତି । ଏବଂ ଅନେକ ଥର ଏକାଠି ବାହାରକୁ ଯାଉଥିବାର ନଜର ଆସିଛନ୍ତି ।କିନ୍ତୁ ଟିଭି ଅଭିନେତାମାନେ ଏହି ଖବରକୁ ଅସ୍ୱୀକାର କରିଛନ୍ତି।
ବଲିଉଡ ଲାଇଫରେ ଖବର ଅନୁଯାୟୀ, ରଣଦୀପ ରାୟ କହିଛନ୍ତି ଯେ ମୁମ୍ବାଇ ସହରରେ ତାଙ୍କର କିଛି ବନ୍ଧୁଙ୍କ ମଧ୍ୟରୁ ଶିବାଙ୍ଗୀ ଅନ୍ୟତମ। ସେମାନେ ଏକ ‘କେବଳ ବନ୍ଧୁ’ ତା ବ୍ୟତୀତ ଆଉ କିଛି ବି ନୁହେଁ।
ଶିବାଙ୍ଗୀ ଯୋଶୀ ମଧ୍ୟ ସମାନ କଥା କହିଥିଲେ। ସେ କହିଛନ୍ତି ଯେ ସେମାନେ କପଲ ହେବାର ଖବର କେଉଁଠୁ ଆସିଛି ସେ ଜାଣି ନାହାଁନ୍ତି। ଆମେ ଆପଣଙ୍କୁ କହିବୁ ଯେ ପୂର୍ବରୁ ଶିବଙ୍ଗୀ ତାଙ୍କ ସହ-ଷ୍ଟାର ମୋହସିନ୍ ଖାନଙ୍କ ସହ ଦୀର୍ଘ ସମୟ ଧରି ରିଲେଶନସିପ୍ରେ ଥିଲେ। ‘ୟେ ରିସ୍ତା କ୍ୟା କେହଲତା ହୈ ରେ କାର୍ତ୍ତିକ ଏବଂ ନାୟରାଙ୍କ ଏହି ଯୋଡିଙ୍କୁ ଦର୍ଶକ ଖୁବ୍ ଭଲ ପାଉଥିଲେ। ଦୁଇ ବର୍ଷ ଧରି ଚାଲିଥିବା ଏହି ପ୍ରେମ ପରେ ଦୁହେଁ ଅଲଗା ହୋଇଯାଇଥିଲେ।
୨୦୨୧ମସିହାରେ, ଶିବାଙ୍ଗୀଙ୍କ ବ୍ରେକଅପ୍ ଖବର ଉପରେ ପ୍ରତିକ୍ରିୟା ପ୍ରକାଶ କରିଥିଲେ। ଯାହା ପ୍ରାୟତଃ ଗଣମାଧ୍ୟମରେ ଆସୁଥିଲା। ମୋହସିନ୍ ଖାନଙ୍କ ସହ ଥିବା ସମ୍ପର୍କ ବିଷୟରେ ପ୍ରତ୍ୟେକ ବିବୃତ୍ତିକୁ ଭୁଲ ଭାବରେ ଉପସ୍ଥାପନ କରିଥିବାରୁ ସେ ଗଣମାଧ୍ୟମକୁ ସମାଲୋଚନା କରିଥିଲେ।
