କଳା ଅଳେଇଚକୁ ଭାରତୀୟମାନେ ଖାଦ୍ୟପେୟ ପ୍ରସ୍ତୁତି ବେଳେ ବ୍ୟବହାର କରିଥାଆନ୍ତି । ଏହା ସ୍ୱାଦକୁ ଦ୍ୱିଗୁଣିତ କରିବା ସହ ଖାଦ୍ୟର ବାସ୍ନାକୁ ବଢାଇଥାଏ । ଅନ୍ୟପକ୍ଷେ ଏହା ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ବେଶ୍ ଉପକାରୀ । କଳା ଅଳେଇଚକୁ ଔଷଧ ଭାବରେ ମଧ୍ୟ ବ୍ୟବହୃତ କରାଯାଇଥାଏ । ପ୍ରତିଦିନ ଖାଦ୍ୟରେ କଳା ଅଳେଇଚ ମିଶାଇବା ଦ୍ୱାରା ଶରୀରକୁ ଅନେକ ରୋଗରୁ ମୁକ୍ତ ମିଳିଥାଏ ବୋଲି ବିଶେଷଜ୍ଞଙ୍କ ମତ ।
ଆସନ୍ତୁ ଜାଣିବା କଳା ଅଳେଇଚ ସ୍ୱାସ୍ଥ୍ୟ ପାଇଁ କେତେ ଲାଭଦାୟକ ହୋଇଥାଏ ।
ପେଟରେ ଥିବା ଗ୍ୟାସ ସମସ୍ୟାକୁ ଦୂର କରିବାରେ କଳା ଅଳେଇଚ ବହୁତ ସାହାଯ୍ୟ କରିଥାଏ । କଳା ଅଳେଇଚରେ କାର୍ମିନାଟିଭ୍ ନାମକ ଗୁଣ ମିଳିଥାଏ, ଯାହା ଭୋକ ନହେବାର ସମସ୍ୟାକୁ ଦୁର କରିଥାଏ । ଯଦି ଆପଣ ନିଜ ଖାଦ୍ୟରେ କଳା ଅଳେଇଚ ଖାଇବେ, ତେବେ ଆପଣ ପେଟ ଫୁଲିବା ଭଳି ସମସ୍ୟାରୁ ମଧ୍ୟ ମୁକ୍ତି ପାଇପାରିବେ ।
ଅମ୍ଳତା ଦୁର କରିଥାଏ: ଅତ୍ୟଧିକ ତେଲିଆ ଖାଦ୍ୟ ଖାଇବା ହେତୁ ପ୍ରାୟତଃ ଅମ୍ଳତା ସମସ୍ୟା ଦେଖାଯାଇଥାଏ । ତେଣୁ, ଆପଣ ନିଜ ଖାଦ୍ୟରେ କଳା ଅଳେଇଚ ଅନ୍ତର୍ଭୁକ୍ତ କରିପାରିବେ । ଆପଣ ଖାଦ୍ୟରେ ଯେକୌଣସି ଉପାୟରେ କଳା ଅଳେଇଚ ବ୍ୟବହାର କରିପାରିବେ । ଏହା କରିବା ଦ୍ୱାରା ଅମ୍ଳତା ସମସ୍ୟା ସହଜରେ ଦୁର ହୋଇଥାଏ ।
ଫୁସଫୁସରେ ରକ୍ତ ସଞ୍ଚାଳନ ସଠିକ୍ ଭାବରେ କରିଥାଏ: ଫୁସଫୁସର ରକ୍ତ ସଞ୍ଚାଳନରେ ଉନ୍ନତି ଆଣିବା ପାଇଁ କଳା ଅଳେଇଚ ବହୁତ ଲାଭଦାୟକ ହୋଇଥାଏ । ଏହା ଆଜ୍ମା ଏବଂ ଥଣ୍ଡା ଭଳି ସମସ୍ୟାରୁ ମୁକ୍ତି ଦେଇଥାଏ । ଯଦି ଆପଣ ଶ୍ୱାସକ୍ରିୟା ଜନିତ ସମସ୍ୟାରେ ଚିନ୍ତିତ ତେବେ ଖାଦ୍ୟରେ କଳା ଅଳେଇଚ ଅନ୍ତର୍ଭୁକ୍ତ କରନ୍ତୁ । କଳା ଅଳେଇଚ ବହୁତ ଗରମ । ଏହାକୁ ଖାଇବା ଦ୍ୱାରା ଶୀଘ୍ର ଥଣ୍ଡା ସମସ୍ୟାରୁ ମୁକ୍ତି ମିଳିଥାଏ ।
ଦାନ୍ତ ସଂକ୍ରମଣ ଦୁର କରିଥାଏ: କଳା ଅଳେଇଚ ଶରୀରକୁ ଅନେକ ପ୍ରକାର ଲାଭ ଦେଇଥାଏ । ପେଟ ସମସ୍ୟା ବ୍ୟତୀତ କଳା ଅଳେଇଚ ଦାନ୍ତ ସଂକ୍ରମଣ, ମାଢୀ ସଂକ୍ରମଣ ଏବଂ ମୁହଁର ଦୁର୍ଗନ୍ଧ ଦୁର କରିବାରେ ସହାୟକ ହୋଇଥାଏ ।
