ବାଲେଶ୍ୱରରୁ ଜବତ ହେଲା ୫ଲକ୍ଷ ଟଙ୍କାର ବ୍ରାଉନସୁଗାର । ବାଲେଶ୍ୱର ଭୋଗରାଇ ଥାନା ଉଦୟପୁର ଅଞ୍ଚଳରୁ ଦୁଇ ଜଣ ଧଳା ଜହର ବିକ୍ରି କରୁଥିବା ସମୟରେ ପୋଲିସ ସେମାନଙ୍କୁ କାବୁ କରି ୧୮ଟି ବ୍ରାଉନସୁଗାର ପ୍ୟାକେଟ୍ ସହ କାର୍ ଜବତ କରିଛି ।
ମିଳିଥିବା ସୂଚନା ଅନୁଯାୟୀ, ପଶ୍ଚିମବଙ୍ଗର ଦୀଘା ନିକଟସ୍ଥ ବିଲାମୁଣ୍ଡା ଗାଁର ଦେବୁ ସିଟ ଏବଂ ଦିପୁ ସିଟ ଏକ ଟାଟା ମ୍ୟାଜିକ ଗାଡ଼ିରେ ଆସି ବାଲେଶ୍ୱରର ଭୋଗରାଇ ଥାନା ଉଦୟପୁର ନିକଟରେରେ ବ୍ରାଉନସୁଗାର ବେପାର କରୁଥିଲେ । ସ୍ଥାନୀୟ ଲୋକେ ଏହି ୨ଜଣ ଯୁବକଙ୍କୁ ଅଟକ ରଖି ପୋଲିସକୁ ଖବର ଦେଇଥିଲେ । ପୋଲିସ୍ ଖବର ପାଇ ତୁରନ୍ତ ଘଟଣାସ୍ଥଳରେ ପହଞ୍ଚି ସେମାନଙ୍କ ଠାରୁ ୫ଲକ୍ଷ ଟଙ୍କାର ବ୍ରାଉନସୁଗାର ଏବଂ କାର୍ ଜବତ କରିବା ସହ ଗିରଫ କରିଛି ।
