ୟୁକ୍ରେନ ରାଜଧାନୀ କିଭ୍ ଉପରେ ସାରା ରାତି ରକେଟ ମାଡ କଲା ଋଷ

କିଭ୍, 11 ଡିସେମ୍ବର – ୟୁକ୍ରେନର ରାଜଧାନୀ କିଭ୍ ଉପରେ ସାରା ରାତି ଘମାଘୋଟ ଆକ୍ରମଣ କରିଛି ଋଷ । କିଭ୍ ମେୟର ଭିଟାଲି କ୍ଲିଟସ୍କୋ କହିଛନ୍ତି ଯେ, ଋଷ ସାରା ରାତି କିଭ୍ ଉପରେ ଆକ୍ରମଣ କରିଛି ।
ଏହି ଆକ୍ରମଣ ଯୋଗୁ ଅନେକ ସ୍ଥାନ କ୍ଷତିଗ୍ରସ୍ତ ହୋଇଛି । ବଡ ବଡ ବିଲ୍ଡିଂ ମଧ୍ୟ କ୍ଷତିଗ୍ରସ୍ତ ହୋଇଛି ।
କ୍ଲିଟସ୍କୋ କହିଛନ୍ତି ଯେ କିଭର ଦକ୍ଷିଣ-ପଶ୍ଚିମ ଭାଗରେ ଥିବା ହୋଲୋସିଭସ୍କି ଜିଲ୍ଲାକୁ ଜରୁରୀକାଳୀନ ସେବା ପଠାଯାଇଛି। ସେଠାରେ କ୍ଷେପଣାସ୍ତ୍ରର କିଛି ଅଂଶ ଆବାସିକ କୋଠାର ଛାତ ଉପରେ ପଡିଥିଲା। ସହରର ଅନ୍ୟ ଦୁଇଟି ଜିଲ୍ଲାକୁ ଜରୁରୀକାଳୀନ ସେବା ମଧ୍ୟ ପଠାଯାଇଛି।