ସାହିତ୍ୟ ଏକାଡେମୀ ପୁରସ୍କାର 2023 ଘୋଷିତ, ହିନ୍ଦୀ ପାଇଁ ସଞ୍ଜୀବଙ୍କୁ ମିଳିବ ପୁରସ୍କାର

ଇଂରାଜୀ ପାଇଁ ନୀଲମ ଶରଣ ଗୌର ଏବଂ ଉର୍ଦ୍ଦୁ ପାଇଁ ସାଦିକା ନବାବ ସହର ହେବେ ପୁରସ୍କୃତ
ନୂଆଦିଲ୍ଲୀ- ସାହିତ୍ୟ ଏକାଡେମୀ ପୁରସ୍କାର 2023 ଘୋଷଣା କରାଯାଇଛି । ବୁଧବାର ଆୟୋଜିତ ପ୍ରେସମିଟରେ ସାହିତ୍ୟ ଏକାଡେମୀ ସଚିବ ଡକ୍ଟର କେ.ଶ୍ରୀନିବାସରାଓ ଏକାଡେମୀ ପୁରସ୍କାର 2023 ସମସ୍ତ 24ଟି ଭାରତୀୟ ଭାଷା ପାଇଁ ଘୋଷଣା କରିଛନ୍ତି । ଏଥିରେ 9ଟି କବିତା ସଂଗ୍ରହ, 6ଟି ଉପନ୍ୟାସ, 5କାହାଣୀ-ସଂଗ୍ରହ, 3 ନିବନ୍ଧ ତଥା ଗୋଟିଏ ଆଲୋଚନା ପୁସ୍ତକ ସାମିଲ ରହିଛି । ଏହି ପୁରସ୍କାରଗୁଡିକ 24 ଟି ଭାରତୀୟ ଭାଷାର ଏକ ଚୟନ କମିଟିର ସୁପାରିଶ କ୍ରମେ କରାଯାଇଛି ।
ସାହିତ୍ୟ ଏକାଡେମୀର ଅଧ୍ୟକ୍ଷ ମାଧବ କୌଶିକଙ୍କ ଅଧ୍ୟକ୍ଷତାରେ ଆୟୋଜିତ ଏକାଡେମୀର କାର୍ଯ୍ୟକାରୀ ମଣ୍ଡଳ ବୈଠକରେ ଏହି ନାମକୁ ଅନୁମୋଦନ ମିଳିଛି । ହିନ୍ଦୀ ପାଇଁ ସଞ୍ଜୀବ (ମୁଝେ ପହଚାନୋ, ଉପନ୍ୟାସ), ଇଂରାଜୀ ପାଇଁ ନୀଲମ ଶରଣ ଗୌର (ରେସକ୍ୟୁ ଇନ୍ ରାଗା ଜାନକୀ, ଉପନ୍ୟାସ) ଏବଂ ଉର୍ଦ୍ଦୁ ପାଇଁ ସାଦିକା ନବାବ ସହର (ରାଜଦେବ କୀ ଅମରାଇ, ଉପନ୍ୟାସ) ପୁରସ୍କୃତ ହେବେ । ଓଡ଼ିଶାରୁ ଆଶୁତୋଷ ପରିଡା ପୁରସ୍କୃତ ହେବେ ।
ପୁରସ୍କାର ଭାବେ ଏକ ଖୋଦିତ ତାମ୍ରଫଳକ, ଉପଢୌକନ, ଏକ ଲକ୍ଷ ଟଙ୍କା ରାଶି ପୁରସ୍କୃତ ଲେଖକଙ୍କୁ କମାନୀ ଅଡିଟୋରିୟମରେ 2024 ମାର୍ଚ୍ଚ 12 ତାରିଖରେ ଏକ ଭବ୍ୟ ସମାରୋହରେ ପ୍ରଦାନ କରାଯିବ ।