ନୂଆଦିଲ୍ଲୀ: କୋହଲିଙ୍କୁ ପ୍ରଶଂସା କରିଛନ୍ତି ଗାଙ୍ଗୁଲି। ବିରାଟ କୋହଲି ମୋଠାରୁ ଅଧିକ ଦକ୍ଷ ଏ କଥା କହିଛନ୍ତି ବିସିସିଆଇ ସଭାପତି ସୌରଭ ଗାଙ୍ଗୁଲି। ତେବେ ଚର୍ଚ୍ଚା ଚାଲିଥିଲା ଯେ, ବିରାଟ କୋହଲିଙ୍କ ହାତରୁ ନେତୃତ୍ୱ ଚାଲିଯିବା ପରେ ଉଭୟଙ୍କ ମଧ୍ୟରେ ତିକ୍ତତା ବଢିଯାଇଥିଲା। ଗଣମାଧ୍ୟମରେ ଉଭୟଙ୍କ ବୟାନକୁ ନେଇ ଚର୍ଚ୍ଚା ମଧ୍ୟ ଜୋର ଧରିଥିଲା। ହେଲେ ଏବେ ଗାଙ୍ଗୁଲିଙ୍କ କୋହଲିଙ୍କୁ ପ୍ରତି ପ୍ରଶଂସା ଫ୍ୟାନ୍ଙ୍କ ମନ ଖୁସି କରିଛି। ଏସିଆ କପର ଆଫଗାନିସ୍ତାନ ବିପକ୍ଷ ମ୍ୟାଚରେ କୋହଲି ୧୧୨ ରନ୍ କରିଥିଲେ। କୋହଲିଙ୍କ ଏହି ଇନିଂସକୁ ଗାଙ୍ଗୁଲି ତାରିଫ୍ କରି କହିଛନ୍ତି କୋହଲି ମୋଠାରୁ ଅଧିକ ଦକ୍ଷ। ଟିଆରଏସ୍କ୍ଲିପ ନାମକ ଏକ ୟୁଟ୍ୟୁବ ଚ୍ୟାନେଲକୁ ସାକ୍ଷାତକାର ଦେଇ ଗାଙ୍ଗୁଲି କହିଛନ୍ତି, କୋହଲି ଓ ତାଙ୍କ ମଧ୍ୟରେ ତୁଳନା କରାଯିବାର କୌଣସି କାରଣ ନାହିଁ। କାରଣ ମୁଁ ଭାବୁଛି କୋହଲି ମୋ ଠୁ ଅଧିକ ଦକ୍ଷ ଆଉ କ୍ଷମତାସମ୍ପନ୍ନ। ଆମେ ଅଲଗା ଅଲଗା ପିଢିର। ମୁଁ ମୋପିଢିରେ କ୍ରିକେଟ୍ ଖେଳୁଥିଲି। କୋହଲି ବର୍ତ୍ତମାନ ଖେଳ ଜାରି ରଖିଛନ୍ତି। ହୋଇପାରେ ସେ ମୋଠାରୁ ଅଧିକ ଖେଳିପାରନ୍ତି ବୋଲି ଗାଙ୍ଗୁଲି ମତ ଦେଇଛନ୍ତି।
