ଆଉ ନାହାଁନ୍ତି ସାଉଥ ରିବେଲ ବିଦ୍ରୋହୀ ତାରକା ୟୁ.ଭି କୃଷ୍ଣମ ରାଜୁ । ଆଜି ୩.୪୫ରେ ହାଇଦ୍ରାବାଦରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ବୟସ ହୋଇଥିଲା। ସେ ଯାହାକି କୃଷ୍ଣ ରାଜୁ ନାମରେ ବେଶ୍ ଜଣାଶୁଣା ଥିଲେ। ତାଙ୍କ ମୃତ୍ୟୁ ଖବର ନେଇ ପ୍ରଶଂସକମାନେ ମର୍ମାହତ ହୋଇଯାଇଛନ୍ତି।
୧୮୦ ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିଲେ କୃଷ୍ଣମ ରାଜୁ । ତାଙ୍କ ଦ୍ୱାରା ଅଭିନୀତ ଜୀୱାନ ତରଙ୍ଗଲୁ, ମାନ ଭୋରି ପାଣ୍ଡାବୁଲୁ, ଆନ୍ଥାମଥା ଥେରାପୁ, ଅମର ଦୀପମ, ତନ୍ଦ୍ର ପାପାରାଏଡୁ ଏବଂ ପାଲନାତ ପୌରଶାମ ଆଦି ଚଳଚିତ୍ର ବେଶ୍ ପରିଚିତ ।
ଚଳିତ ବର୍ଷ ଆରମ୍ଭରେ ମୁକ୍ତିଲାଭ କରିଥିବା ରୋମାଣ୍ଟିକ ଡ୍ରାମା ରାଧେ ଶ୍ୟାମରେ ସେ ତାଙ୍କ ପୁତୁରା ପ୍ରଭାସଙ୍କ ସହ ଶେଷ ଥର ପାଇଁ ନଜର ଆସିଥିଲେ।
