ସୁନ୍ଦରଗଡ- ଦଳିଦେଲା ଦନ୍ତ । ସୁନ୍ଦରଗଡ଼ ଜିଲ୍ଲା ବରସୁଆଁ ରେଞ୍ଜ ଡେଙ୍ଗୁଳା ସେକ୍ସନ ଅନ୍ତର୍ଗତ ବନ୍ଦଲ ଗ୍ରାମରେ ଦୁଇ ଦିନ ହେବ ବଗିଚାରେ ପନିପରିବା ଖାଇବା ସହ ନଷ୍ଟ କରି ଜଣଙ୍କ ଘର ଭାଙ୍ଗିଥିଲା କିନ୍ତୁ କାଲି ସନ୍ଧ୍ୟାରେ ବିଠୋଲ ନାଏକ ଓ ଦୁର୍ଯ୍ୟୋଧନ ନାଏକ, ରେଙ୍ଗମା ଜିଲୁସାହିରୁ ୫ଟା ସମୟରେ କୌଣସି କାମ ସାରି ଘରକୁ ଫେରୁଥିବା ବେଳେ, ଦନ୍ତା ହାତୀ ଦୁଇ ଜଣକୁ ଦୌଡ଼େଇ ଥିଲା। ଦୁର୍ଯ୍ୟୋଧନ ସେଠାରୁ ଦୌଡ଼ି ପଳାଇଲା। ହେଲେ ବିଠୋଲ ଦୌଡ଼ି ନ ପାରିବାରୁ ଦନ୍ତା ହାତୀ ବିଠୋଲାକୁ ଶୁଣ୍ଢରେ ଟାଣି କଚାଡ଼ି ଦେଇ ମାଡ଼ି ଦେବା ଫଳରେ ତାଙ୍କ ଶରୀର ଖଣ୍ଡ ବିଖଣ୍ଡିତ ହୋଇ ଯାଇଥିଲା। ଘଟଣାସ୍ଥଳରେ ବନ ବିଭାଗ ଓ ପୁଲିସ୍ ପହଞ୍ଚି ଶବକୁ ଉଦ୍ଧାର କରିଛନ୍ତି।
