ଘରେ ପରୀକ୍ଷା କରି ଜଣାନ୍ତୁ ଆପଣ ଖାଉଥିବା ଦୁଗ୍ଧ ଶୁଦ୍ଧ କି ନାହିଁ?

ଦୁଗ୍ଧକୁ ଗୋଟିଏ ସମ୍ପୂର୍ଣ ଆହାର କୁହାଯାଏ ,କିନ୍ତୁ ଏହି ସମ୍ପୂର୍ଣ ଏହାର ସେତେବେଳେ ବିପଦ ଯୁକ୍ତ ହୋଇଯାଅ ଯେତେବେଳେ ଏଥିରେ ବିଭିନ୍ନ ପ୍ରକାରର ଜିନିଷ ମିଶାଇ ଏହାର ଶୁଦ୍ଧତାକୁ କମ କରି ଦିଆଯାଏ l ଅଧିକାଂଶ ସମୟ ଏପରି ହୋଇଥାଏ ଦୁଗ୍ଧରେ କେବଳ ପାଣି ନୁହେଁ ଅନେକ ପ୍ରକରର ଜିନିଷ ମିଶାଯାଏ ,କାରଣ ଏହାର ମାତ୍ରାକୁ ବଢାଇବା ପାଇଁ ରାସାୟନିକ ଜିନିଷ ମିଶାଯାଇ ଥାଏ l ଏହା କେବଳ ଆପଣଙ୍କୁ ରୋଗଗ୍ରସ୍ତ କରେ ନାହିଁ ଆପଣଙ୍କ ଶିଶୁ ମାନଙ୍କର ବିକାଶରେ ବାଧକ ସାଜେ l ଆସନ୍ତୁ ଜାଣିବା କିପରି ମିଶ୍ରିତ ଯୁକ୍ତ ଦୁଗ୍ଧାକୁ ଜାଣିବା l

ଏହିପରି ଭାବରେ କରନ୍ତୁ ଯାଞ୍ଚ –

ପାଣି -ଗାଡି ଯାଉଥିବା ସ୍ଥାନରେ ଦୁଗ୍ଧର ଗୋଟିଏ ବୁନ୍ଦା ପକାନ୍ତୁ l ଶୁଦ୍ଧ ଦୁଗ୍ଧର ବିନ୍ଦୁ ଧୀରେ ଧୀରେ ଗୋଟିଏ ଧଳା ଗାର ଆକାରରେ ତଳକୁ ଗଡିବାକୁ ଲାଗିବ ,କିନ୍ତୁ ପାଣି ମିଶା ଯାଇଥିବା ଦୁଗ୍ଧ ବୁନ୍ଦା କୌଣସି ଦାଗ ନଛାଡି ବହିଯିବ l

ଷ୍ଟାର୍ଚ୍ଚ -ଲୋଡ଼ିଂ ସଲ୍ୟୁସନର କିଛି ବୁନ୍ଦା ଦୁଗ୍ଧରେ ପକାନ୍ତୁ ଯଦି ଏହା ନୀଳ ରଙ୍ଗ ହୋଇଯିବ ତେବେ ଜାଣିବେ ଦୁଗ୍ଧରେ ଷ୍ଟାର୍ଚ୍ଚ ମିଶିଛି l

ୟୁରିଆ -ଗୋଟିଏ ଚାମଚ ଦୁଗ୍ଧାକୁ ଗୋଟିଏ ଟେଷ୍ଟଟ୍ୟୁବରେ ପକାନ୍ତୁ l ସେଥିରେ ଅଧଚାମଚ ସୋୟାବିନ ଗୁଣ୍ଡ କିମ୍ବା ହରଡ ଦଳି ଗୁଣ୍ଡ ପକାନ୍ତୁ l ଏହାକୁ ଭଲ ଭାବରେ ମିଶାଇ ନିୟନ୍ତୁ l ୫ ମିନିଟ ପରେ ଖଣ୍ଡିଏ ଲାଲ ଲିଟମସ ପେପର ପକାନ୍ତୁ l ୫ ମିନିଟ ପରେ ଦେଖିବେ ଏହି ପେପର ଖଣ୍ଡଟି ନୀଳ ହୋଇଯିବ ତେବେ ଦୁଗ୍ଧରେ ୟୁରିଆ ମିଶିଛି l

ଡିଟରଜେଣ୍ଟ -୧୦ ମି.ଲି ଦୁଗ୍ଧ ନେଇ ତାହାକୁ ସମ ପରିମାଣ ପାଣିରେ ମିଶାନ୍ତୁ l ଦୁଇଟିଯାକକୁ ଭଲରେ ହଳନ୍ତୁ ଯଦି ଫେଣ ବାହାରିଲା ତେବେ ଜାଣିବେ ଡିଟରଜେଣ୍ଟ ମିଶା ଯାଇଛି l

ସିନ୍ଥେଟିକ ଦୁଗ୍ଧ -ସିନ୍ଥେଟିକ ଦୁଗ୍ଧର ସ୍ୱାଦ ଖାରିଆ ଲାଗିଥାଏ ,ଆଙ୍ଗୁଠିରେ ନେଇ ରଗଡିବା ଦ୍ୱାରା ସାବୁନ ଭଳି ଲାଗିଥାଏ ଓ ଗରମ କଲେ ହଳଦିଆ ଦେଖାଯାଏ l